ലണ്ടൻ: ബ്രിട്ടനിൽ ഇന്ത്യക്കാരനെ ബേസ്ബാൾ ബാറ്റ് ഉപയോഗിച്ച് അജ്ഞാതൻ കൊലപ്പെടുത്തി. സത്നം സിങ്ങാണ് (45) ഹയാസ് പ്രദേശത്തുവെച്ച് കൊല്ലപ്പെട്ടത്. മാർച്ച് ആറിന് സുഹൃത്തിനോടൊപ്പം നടക്കുന്നതിനിടെ വെള്ളി നിറത്തിലുള്ള കാർ സിങ്ങിന് അരികിൽ നിർത്തുകയായിരുന്നു. തുടർന്ന് കാറിൽനിന്ന് ഇറങ്ങിയ ആക്രമി സിങ്ങിനെ ബേസ്ബാൾ ബാറ്റുകൊണ്ട് അടിച്ചുവീഴ്ത്തി. ഉടൻ ആശുപത്രിയിൽ എത്തിച്ചെങ്കിലും മേയ് 23ന് അദ്ദേഹം മരിക്കുകയായിരുന്നു. ആക്രമിയെക്കുറിച്ച് വിവരം നൽകുന്നവർക്ക് സ്കോട്ലൻഡ് യാർഡ് 10,000 പൗണ്ട് വാഗ്ദാനം ചെയ്തിട്ടുണ്ട്. തെളിവില്ലാത്ത സാഹചര്യത്തിൽ വംശീയ വിദ്വേഷമാണോ ആക്രമണത്തിനു പിന്നിലെന്ന് പറയാൻ സാധിക്കില്ലെന്ന് ഡിറ്റക്ടിവ് ഇൻസ്പെക്ടർ ജോൺ മീഗർ പറഞ്ഞു. ആക്രമണസമയത്ത് സിങ്ങിനൊപ്പമുണ്ടായിരുന്ന 28കാരനായ സുഹൃത്തിെൻറ പരിക്കുകൾ ഗുരുതരമല്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.