മഡ്രിഡ്: ആരാധക കലാപം കാരണം മാറ്റിവെച്ച ബൊക്ക ജൂനിയേഴ്സ്-റിവർപ്ലേറ്റ് കോപ ലിബർട്ടഡോറസ് ഫൈനൽ പോരാട്ടം ഡിസംബർ ഒമ്പതിന് റയൽ മഡ്രിഡിെൻറ ഹോം ഗ്രൗണ്ടായ സാൻറിയാഗോ ബെർണബ്യൂവിൽ നടക്കും. ലാറ്റിനമേരിക്കൻ ഫുട്ബാൾ അസോസിയേഷനാണ് മഡ്രിഡിൽ പോരാട്ടം നടത്താൻ തീരുമാനിച്ച വിവരം അറിയിച്ചത്.
ബൊക്ക ജൂനിയേഴ്സിെൻറ തട്ടകത്തിൽ നടന്ന ആദ്യപാദ ഫൈനൽ പോരാട്ടം 2-2ന് സമനിലയിലായിരുന്നു. എന്നാൽ, രണ്ടാം പാദ മത്സരത്തിനായി ബൊക്ക താരങ്ങൾ റിവർപ്ലേറ്റ് മൈതാനത്തിലേക്ക് എത്തവെ കാണികൾ ബസ് ആക്രമിച്ചതോടെയാണ് മത്സരം മാറ്റിവെച്ചത്. അക്രമത്തിൽ റിവർപ്ലേറ്റിേനാട് 4,00,000 ഡോളർ (ഏകദേശം രണ്ടു കോടി 78 ലക്ഷം) പിഴയീടാക്കാനും അസോസിയേഷൻ തീരുമാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.