മഡ്രിഡ്: ഇടതു വിങ്ങിൽ ഇടങ്കാലിൽ പന്തുമായി കുതിക്കുന്ന ബ്രസീൽ താരം മാഴ്സലോ വലതുകാലുകൊണ്ട് അവസാന നിമിഷത്തിൽ ഉതിർത്ത ഷോട്ട് എതിർ വലയിലേക്ക് തുളച്ചുകയറിയപ്പോൾ റയൽ മഡ്രിഡ് നേടിയത് നിർണായകമായ മൂന്നു പോയൻറ്. സമനിലയിലേക്കെന്ന് തോന്നിച്ച വലൻസിയക്കെതിരായ മത്സരത്തിൽ 86ാം മിനിറ്റിൽ മാഴ്സലോ നേടിയ ഗോളിൽ റയൽ മഡ്രിഡ് 2-1ന് ജയിച്ചു കയറുകയായിരുന്നു.ഇൗ ഗോളോടെ സമനിലയിൽനിന്ന് കഷ്ടിച്ച് റയൽ മഡ്രിഡ് രക്ഷപ്പെട്ടു. ഇഞ്ചോടിഞ്ച് പോരാട്ടം നടക്കുന്ന സ്പാനിഷ് ലീഗിൽ ഒടുവിൽ വിജയത്തോടെ റയൽ മഡ്രിഡിെൻറ കുതിപ്പ്.
ആവേശം അവസാന നിമിഷം വരെ നിറഞ്ഞുനിന്ന മത്സരത്തിൽ 27ാം മിനിറ്റിൽതന്നെ റയൽ മഡ്രിഡ് മുന്നിലെത്തി. ഡാനിയൽ കവർജലിെൻറ ഉഗ്രൻ ക്രോസിന് ഉയർന്നുചാടി തലവെച്ച് സൂപ്പർ താരം ക്രിസ്റ്റ്യാനോ റൊണാൾഡോ മഡ്രിഡ് വമ്പന്മാരെ മുന്നിലെത്തിക്കുകയായിരുന്നു. എന്നാൽ, ലീഡ് ഉയർത്താൻ റയലിനായില്ല. രണ്ടാം പകുതിയുടെ ആദ്യത്തിൽ ലഭിച്ച പെനാൽറ്റി ക്രിസ്റ്റ്യാനോ കളയുകയും ചെയ്തു. റയലിന് ഷോക്കായി ഹൊസെ ലൂയിസ് 82ാം മിനിറ്റിൽ ഫ്രീകിക്ക് ഗോളാക്കിയതോടെ വലൻസിയ സാൻറിയാഗോ ബെർണബ്യൂവിനെ ഞെട്ടിച്ചു. അവസാനം ആരാധകരുടെ മനം കവർന്ന് മാഴ്സലോ 86ാം മിനിറ്റിൽ റയലിന് ജയം സമ്മാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.