ഫുട്​ബാൾ പനിയാണ്​, കുട പിടിച്ചോളൂ

മലപ്പുറം: മഴ നനഞ്ഞുപോകേണ്ടി വന്നാലും നെയ്​മർക്കുട വേണ്ടെന്നൊരുപക്ഷം. മെസിയുടെ കുട ചൂട​ുന്നതിലും നല്ലത്​ മഴ നനഞ്ഞ്​ പനി പിടിക്കുകയാണെന്ന്​ മറുപക്ഷം. വിലപേശലോ മോഡൽ നോക്കലോ ഒന്നുമല്ല ഇപ്പോൾ മലപ്പുറത്തെ കുടവിപണിയിൽ നടക്കുന്നത്​. വാങ്ങാൻ വന്നവർ തമ്മിലുള്ള ട്രോളുകളാണ്​. നീലയിലും മഞ്ഞയിലുമാണ്​ കൂടുതൽ കുടകളും. മെസിയും നെയ്​മറും റൊണാൾഡോയും ‘കുടകളിൽ’ പന്ത്​ തട്ടുന്നു.

പോർച്ചുഗലി​​െൻറയും ജർമനിയുടെയും പതാക​യുടെ മാതൃകയിൽ തീർത്ത കുടകൾക്കും ആവശ്യക്കാരുണ്ട്​. ശനിയാഴ്​ച ​െഎസ്​ലൻഡുമായി അർജൻറീന സമനിലയിൽ പിരിഞ്ഞപ്പോൾ നീലക്കുടകൾക്ക്​ ചെലവ്​ കുറവാണെന്ന്​ വിൽപനക്കെത്തിയ ഷാനവാസ്​ മണ്ണാർക്കാട്​ പറഞ്ഞു​. ഞായറാഴ്​ച കളിക്കിറങ്ങുന്ന ബ്രസീലി​​െൻറ മഞ്ഞക്കുട തേടിയാണ്​ ഇപ്പോൾ ആളുകളെത്തുന്നത്​.

കഴിഞ്ഞ മൂന്ന്​ ലോകകപ്പുകൾക്കും ആവേശമായി കുടകളുമായി ഷാനവാസ്​ മലപ്പുറത്തുണ്ട്​.​ ഇവക്ക്​ പുറമെ ​വിവിധ രാജ്യങ്ങളുടെ തൊപ്പിയുമുണ്ട്​. 200 മുതൽ 400 രൂപ വരെയാണ്​ കുടകളുടെ വില.