ന്യൂഡല്ഹി: അണ്ടര് 17 ലോകകപ്പ് ഫുട്ബാളിനൊരുങ്ങുന്ന ഇന്ത്യന് ടീമിലേക്ക് ഗള്ഫില്നിന്ന് അഞ്ചു കുഞ്ഞുതാരങ്ങള്. ബര് ദുബൈയിലെ ഇന്ത്യന് ഹൈസ്കൂളില് നടന്ന ട്രയല്സില് നിന്നാണ് അഞ്ചുപേരെ തെരഞ്ഞെടുത്തത്. സ്ട്രൈക്കര്മാരായ അഗസ്റ്റ്സ് നിക്സണ്, റിക്സണ് ലോബോ, സ്റ്റോപ്പര് ബാക്ക് യുവീര് കേല്കര്, ലെഫ്റ്റ് ബാക്ക് നീലകണ്ഠന് ആനന്ദ്, മിഡ്ഫീല്ഡറായ അര്ജുന് സുനില് എന്നിവരെയാണ് തെരഞ്ഞെടുത്തത്. ഇവര് ജര്മനിയില് പരിശീലനം നടത്തുന്ന ടീമിനൊപ്പം ചേരും. ദേശീയതാരം അഭിഷേക് യാദവാണ് 250ഓളം താരങ്ങളില്നിന്ന് ഇവരെ തെരഞ്ഞെടുത്തത്. വിദേശ ഇന്ത്യക്കാരായ താരങ്ങളെ തെരഞ്ഞെടുക്കാനുള്ള സായ്- എ.ഐ.എഫ്.എഫ് ഗ്ളോബല് സ്കൗട്ടിങ് പദ്ധതി പ്രകാരമാണ് ട്രയല്സ് നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.