ന്യൂഡല്ഹി: ജൂലൈ 15ന് ആരംഭിക്കുന്ന പ്രീമിയര് ഫുട്സാല് ടൂര്ണമെന്റിന് അഖിലേന്ത്യാ ഫുട്ബാള് ഫെഡറേഷന്െറ (എ.ഐ.എഫ്.എഫ്) അംഗീകാരം ആവശ്യമില്ളെന്ന് പ്രീമിയര് ലീഗ് സംഘാടകര്. പ്രഖ്യാപിച്ച തീയതിയില്തന്നെ ടൂര്ണമെന്റ് നടക്കുമെന്നും അവര് വ്യക്തമാക്കി.
1971 മുതല് ഫുട്സാല് നിയന്ത്രിക്കുന്ന അസോസിയേഷന് മുണ്ട്യാല് ഡി ഫുട്സാലിന്െറ (എ.എം.എഫ്) കീഴില് പ്രവര്ത്തിക്കുന്ന ഫുട്സാല് അസോസിയേഷന് ഓഫ് ഇന്ത്യയുമായി (എഫ്.എ.ഐ) ചേര്ന്നാണ് പ്രീമിയര് ഫുട്സാല് ടൂര്ണമെന്റ് നടത്തുന്നത്.
എ.എം.എഫും ഫിഫയും ഒന്നിച്ചാണ് ലോകതലത്തില് പ്രവര്ത്തിക്കുന്നത്. ഇന്ത്യയില് ഫുട്സാലിന്െറ വികസനത്തിനായി പ്രവര്ത്തിക്കുന്ന ഏക സംഘടന എഫ്.എ.ഐ ആണ്. അതിനാല് അഖിലേന്ത്യാ ഫുട്ബാള് ഫെഡറേഷന്െറ അംഗീകാരം ടൂര്ണമെന്റിന് ആവശ്യമില്ളെന്നും പ്രീമിയര് ഫുട്സാല് സംഘാടകര് വാര്ത്താകുറിപ്പില് വ്യക്തമാക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.