ബാഴ്സലോണ: അഞ്ചു തവണ ലോകതാരമായി റെക്കോഡൊക്കെ സ്വന്തമാക്കിയ ഫുട്ബാള്‍ മാന്ത്രികനാണ് ലയണല്‍ മെസ്സി. പക്ഷേ, കരിയറില്‍ ആദ്യമായി സ്പാനിഷ് ലാ ലിഗയിലെ ‘പ്ളെയര്‍ ഓഫ് ദ മന്ത്’ പട്ടം നേടാന്‍ ബാഴ്സലോണ താരം കാത്തിരിക്കേണ്ടിവന്നത് മൂന്നു വര്‍ഷം. ജനുവരിയിലെ ലാ ലിഗ താരമായാണ് ‘ഒടുവില്‍’ തെരഞ്ഞെടുക്കപ്പെട്ടത്. 2013ല്‍ ഈ അവാര്‍ഡ് നല്‍കിത്തുടങ്ങിയശേഷം ആദ്യമായാണ് മെസ്സിക്ക് ഈ നേട്ടം കൈവരിക്കാനായത്. ജനുവരിയില്‍ സീസണിലെ തന്‍െറ ആദ്യ ഹാട്രിക് ഉള്‍പ്പെടെ ആറു ഗോളുകളാണ് മെസ്സി നേടിയത്. സഹതാരം നെയ്മര്‍ കഴിഞ്ഞ നവംബറില്‍ ഈ നേട്ടം സ്വന്തമാക്കുന്ന ആദ്യ ബാഴ്സ താരമായിരുന്നു. റയല്‍ മഡ്രിഡിന്‍െറ സൂപ്പര്‍ താരം ക്രിസ്റ്റ്യാനോ റൊണാള്‍ഡോ രണ്ടു തവണ മാസത്തിലെ താരമായിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.