കാഡിസ്: റയല് മഡ്രിഡിന്െറ കഷ്ടകാലത്തിന് ഒരു നാണക്കേടുകൂടി. കളത്തിലിറങ്ങാന് നിയമപരമായി യോഗ്യതയില്ലാത്ത താരത്തിനെ കളിപ്പിച്ചാണ് കാഡിസിനെതിരായ കിങ്സ് കപ്പ് മത്സരത്തില് റയല് ഇളിഭ്യരായത്. ടീമിനായി ആദ്യ ഗോള് നേടിയ റഷ്യന് താരം ഡെന്നിസ് ചെറിഷേവാണ് കഥയിലെ വില്ലന്. വെറും നാണക്കേടുകൊണ്ട് ഈ തെറ്റ് അവസാനിക്കില്ല എന്നതാണ് റയല് അടുത്ത് നേരിടാന് പോകുന്ന വെല്ലുവിളി. ഗുരുതരമായ പിഴവ് വരുത്തിയ ക്ളബിന് കിങ്സ് ക്ളബില്നിന്ന് അയോഗ്യത ഉള്പ്പെടെയുള്ള ശിക്ഷാനടപടികള് ഏറ്റുവാങ്ങേണ്ടിവരുമെന്നാണ് റിപ്പോര്ട്ട്.
ആദ്യ ഇലവനില്തന്നെ ഇടംപിടിച്ച ചെറിഷേവ് ഒരു മത്സരത്തില് വിലക്ക് നേരിടുന്ന താരമാണെന്ന് മത്സരത്തിനിടെയാണ് വാര്ത്ത പരന്നത്. കഴിഞ്ഞ സീസണില് വായ്പാ അടിസ്ഥാനത്തില് വിയ്യാ റയലിനായി കളിക്കവെ മൂന്നു മഞ്ഞക്കാര്ഡുകള് വാങ്ങിയതാണ് വിലക്കിന് കാരണം. കാഡിസ് ടീം പരാതിപ്പെട്ടതോടെ റയലിന് നടപടി നേരിടേണ്ടിവരുമെന്നത് ഉറപ്പാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.