തിരുവനന്തപുരം: 11ാമത് ജി.വി രാജ അഖിലേന്ത്യാ ഫുട്ബാള് ടൂര്ണമെന്റ് ഈമാസം20 മുതല് സെപ്റ്റംബര് ആറുവരെ തിരുവനന്തപുരം യൂനിവേഴ്സിറ്റി സ്റ്റേഡിയത്തില് നടക്കുമെന്ന് സംഘാടകര് വാര്ത്താസമ്മേളനത്തില് അറിയിച്ചു. ബി.എസ്.എഫ് ജലന്ധര്, ഡി.എസ്.കെ പുണെ, എയര് ഇന്ത്യ മുംബൈ, എം.ആര്.സി വെലിങ്ടണ്, ഇന്ത്യന് നേവി, വെസ്റ്റേണ് റെയില്വേ മുംബൈ, നാഗ്പൂര് എഫ്.സി, സി.ആര്.പി.എഫ് ജലന്ധര്, എസ്.ബി ഹൈദരാബാദ്, എസ്.ബി.ടി, ടൈറ്റാനിയം, കെ.എസ്.ഇ.ബി, കേരള പൊലീസ്, ഏജീസ് കേരള, കേരള ഇലവന് എന്നിങ്ങനെ മികച്ച 16 ടീമുകളാണ് ടൂര്ണമെന്റില് മാറ്റുരക്കുന്നത്. ദിവസവും 4.30നാണ് മത്സരങ്ങള് ആരംഭിക്കുന്നത്. 21 മുതല് സെപ്റ്റംബര് ഒന്നുവരെ ദിവസവും രണ്ട് മത്സരങ്ങളുണ്ടാകും. ഗാലറിക്ക് 30 രൂപയും കസേരക്ക് 50 രൂപയുമാണ്. ഗാലറി സീസണ് ടിക്കറ്റിന് 500 രൂപയും കസേര സീസണിന് 750 രൂപയുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.