ഡൽഹിയോട്​ ഏഴു റൺസ്​ തോൽവി: പ്ലേഒാഫ്​ ഉറപ്പിക്കാതെ പുണെ

ന്യൂഡൽഹി: ​പ്ലേഒാഫ്​ ഉറപ്പിക്കാനുള്ള സുവർണാവസരം കളഞ്ഞുകുളിച്ച്​ പുണെ ഡൽഹിക്ക്​ മുന്നിൽ ഏഴ്​ റൺസ്​ തോൽവി വഴങ്ങി. ഇതോടെ ഒ​ാരോ കളി ബാക്കിയുള്ള കൊൽക്കത്ത, പുണെ, ഹൈദരാബാദ്​, പഞ്ചാബ്​ ടീമുകൾക്ക്​ പ്ലേഒാഫ്​ ഉറപ്പിക്കാൻ ഇനിയും പോരടിക്കണം. 18 പോയൻറ്​ നേടിയ മുംബൈ മാത്രമാണ്​ നിലവിൽ നോക്കൗട്ട്​ ഉറപ്പിച്ചത്​. 

െഎ.പി.എൽ പ്ലേഒാഫ്​ കാണാതെ പുറത്തായ ഡൽഹിക്കിത്​ സ്വന്തം കാണികൾക്ക്​ മുന്നിലെ അഭിമാനപ്പോരാട്ടം മാത്രമായിരുന്നു. ഫിറോസ്​ഷാ കോട്​ല സ്​റ്റേഡിയത്തിൽ നടന്ന മത്സരത്തിൽ ടോസ്​നേടിയ ഡൽഹി ബാറ്റിങ്​ തെരഞ്ഞെടുത്തു. 45 പന്തിൽ 64 റൺസെടുത്ത മലയാളി താരം കരുൺ നായരുടെയും 22 പന്തിൽ 36 റൺസെടുത്ത ​​ഋഷഭ്​ പന്തി​​​െൻറയും മികച്ച പ്രകടനത്തിൽ നിശ്ചിത ഒാവറിൽ ഡൽഹി എട്ടുവിക്കറ്റ്​ നഷ്​ടത്തിൽ 168 റൺ​െസടുത്തു. 
 

മികച്ച സ്​കോറിനെതിരെ ​െപാരുതാൻ ക്രീസിലെത്തിയ പുണെയുടെ ഒാപണിങ്​ ജോടികളായി അജിൻക്യ രഹാനെയും (0) രാഹുൽ തൃപാഠിയും (7) പെട്ടന്ന്​ പുറത്തായി. സ്​റ്റീവൻ സ്​മിത്തി​​​െൻറയും (38) മനോജ്​ തിവാരിയുടെയും (60) ബാറ്റിങ്​ മികവിൽ തിരിച്ചടിക്കാൻ ​ശ്രമിച്ചെങ്കിലും പോരാട്ടവീര്യം 161 റൺസിന്​ അവസാനിച്ചു. ബെൻ സ്​റ്റോക്ക്​ 25 പന്തിൽ 33 റൺസെടുത്തു.

നേരത്തെ ഒാപണർ സഞ്​ജു വി. സാംസണെ ആദ്യ ഒാവറിൽതന്നെ നഷ്​ടമായ ഡൽഹി പിന്നീട്​ കരുതിക്കളിക്കുകയായിരുന്നു. കഴിഞ്ഞ കളിയി​െല വെടിക്കെട്ടു വീരൻ ശ്രേയസ്​ അയ്യർ (3) മൂന്നാം ഒാവറിൽ പുറത്തായതോടെ ആതിഥേയർ വൻതകർച്ചയടെ വക്കിലായി. ​പിന്നീട്​ മൂന്നാം വിക്കറ്റിൽ പന്തും കരുണും ചേർന്ന്​ 74 റൺസി​​​െൻറ കൂട്ടുകെട്ടുണ്ടാക്കിയതാണ്​ ടീമിന്​ തുണയായത്​. മർലോൺ സാമുവൽസ്​ 27ഉം അമിത്​ മിശ്ര 13ഉം പാറ്റ്​ കുമ്മിൻസ്​ 11ഉം റൺസെടുത്തു.