ലണ്ടൻ: സാക്ഷാൽ സചിൻ തെൻഡുൽക്കറുടെ ലോകകപ്പ് റെക്കോർഡ് മറികടന്നിരിക്കുകയാണ് അഫ്ഗാനിസ്താന്റെ വിക്കറ്റ് കീപ് പർ ബാറ്റ്സ്മാൻ ഇക്രം അലി ഖിൽ. ലോകകപ്പിൽ 80ന് മുകളിൽ റൺസെടുക്കുന്ന ഏറ്റവും പ്രായം കുറഞ്ഞ കളിക്കാരൻ എന്ന റെക്കോർഡാണ് ഇക്രം അലി ഖിൽ സ്വന്തമാക്കിയത്.
18 വർഷവും 278 ദിവസവുമാണ് ഇക്രം ഖില്ലിന്റെ പ്രായം. കഴിഞ്ഞ മത്സരത്തിൽ വെസ്റ്റിൻഡീസിനെതിരെ 86 റൺസ് നേടിയതോടെയാണ് ഇക്രം സചിൻ തെൻഡുൽക്കറുടെ റെക്കോർഡ് മറികടന്നത്. 1992ൽ 18 വർഷവും 318 ദിവസവും പ്രായമുള്ളപ്പോൾ സചിൻ സിംബാബ്വേക്കെതിരെ 81 റൺസാണ് നേടിയത്.
ലോകകപ്പിലെ ഒമ്പത് കളിയിൽനിന്ന് 148 റൺസാണ് ഇക്രം ഖില്ലിന്റെ സമ്പാദ്യം. വെസ്റ്റിൻഡീസിനെതിരായ 86 റൺസ് ഏകദിന ക്രിക്കറ്റിലെ ഇക്രത്തിന്റെ മികച്ച സ്കോറാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.