ന്യൂഡല്ഹി: അടുത്ത മാസം ആസ്ട്രേലിയയില് നടക്കുന്ന ടൂര്ണമെന്റിനുള്ള ഇന്ത്യ എ ടീമില് മലയാളി താരങ്ങളായ സഞ്ജു വി. സാംസണും കരുണ് നായരും ഇടംപിടിച്ചു. വിക്കറ്റ് കീപ്പര് ബാറ്റ്സ്മാന് നമാന് ഓജയായിരിക്കും ടീമിനെ നയിക്കുന്നത്. കഴിഞ്ഞ സിംബാബ്വെ പര്യടനത്തില് കളിച്ച ഒമ്പതു താരങ്ങളെയാണ് എ ടീമില് ഉള്പ്പെടുത്തിയിരിക്കുന്നത്. രഞ്ജി ട്രോഫിയിലെ ടോപ് സ്കോറര് ശ്രേയസ് അയ്യര്ക്കും ടീമില് ഇടംലഭിച്ചു. ആഗസ്റ്റ് 14നാണ് ഒരു മാസം നീളുന്ന പരമ്പര തുടങ്ങുന്നത്. ചതുര്രാഷ്ട്ര പരമ്പരക്ക് പുറമെ രണ്ടു ടെസ്റ്റിലും ഇന്ത്യ കളിക്കും.
ഇന്ത്യന് ടീം: നമാന് ഓജ (ക്യാപ്റ്റന്), സഞ്ജു സാംസണ്, ശ്രേയസ് അയ്യര്, കരുണ് നായര്, ഫൈസ് ഫസല്, അഖില് ഹെര്വാദ്കര്, മനീഷ് പാണ്ഡേ, കേദാര് ജാദവ്, വിജയ് ശങ്കര്, അക്ഷര് പട്ടേല്, ജയന്ത് യാദവ്, ധവാല് കുല്കര്ണി, ജയദേവ് ഉനാദ്കട്, ബരീന്ദര് സ്രാന്, ഷഹബാസ് നദീം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.