‘മാക്യവെല്ലി ഓഫ് ഇന്ത്യന് ക്രിക്കറ്റ്’- ഇന്ത്യന് ക്രിക്കറ്റിലെ കൗശലങ്ങളുടെ കാരണവര്, അതായിരുന്നു ജഗ്മോഹന് ഡാല്മിയ എന്ന പേരിനൊപ്പം ഒളിഞ്ഞും തെളിഞ്ഞും പറഞ്ഞുകേട്ട വിശേഷണം. ബോര്ഡ് ഓഫ് കണ്ട്രോള് ഫോര് ക്രിക്കറ്റ് ഇന് ഇന്ത്യ എന്ന ബി.സി.സി.ഐയെ പണംകായ്ക്കുന്ന മരമാക്കിമാറ്റിയ ചാണക്യന്. കുശാഗ്രത നിറഞ്ഞ ബിസിനസ് ബുദ്ധിയും മാര്ക്കറ്റിങ് തന്ത്രങ്ങളുമായി ഡാല്മിയ മുന്നില്നിന്ന് നയിച്ചപ്പോഴാണ് ലോക ക്രിക്കറ്റ് ബോര്ഡുകളില് പണക്കൊഴുപ്പില് ഒന്നാംസ്ഥാനത്തേക്ക് ബി.സി.സി.ഐ കുതിച്ചുകയറിയത്. ഇന്ത്യന് കായികരംഗം കണ്ട കരുത്തുറ്റ അധികാരിയായി കളം വാണതിനൊപ്പം കാര്യംകാണാന് എന്തുംചെയ്യുന്ന ബുദ്ധികൂര്മതയും ഡാല്മിയ എന്ന വ്യക്തിത്വത്തിന്െറ അവിഭാജ്യഘടകമായിരുന്നു.
1997ല് ഐ.സി.സിയുടെ പ്രസിഡന്റ് പദവിയിലേറിയ ആദ്യ ഏഷ്യക്കാരനായ ഡാല്മിയ, അവിടെയും പണമൊഴുക്കി. ലോക ക്രിക്കറ്റിന്െറ തലപ്പത്ത് ഡാല്മിയ എത്തിയതോടെയാണ് ക്രിക്കറ്റ് ഭരണത്തിന്െറ അച്ചുതണ്ട് കിഴക്കന് ചക്രവാളത്തിലേക്ക് തിരിഞ്ഞത്. ഡാല്മിയയുടെ കൂര്മബുദ്ധി ഏവരെയും അമ്പരപ്പിച്ചത് 2001ലെ ബി.സി.സി.ഐ പ്രസിഡന്റ് തെരഞ്ഞെടുപ്പിലായിരുന്നു. എ.സി. മുത്തയ്യ വീണ്ടും പ്രസിഡന്റാകുമെന്ന് ഉറച്ചിരിക്കെ നാലു വോട്ടിന്െറ ഭൂരിപക്ഷത്തില് ഡാല്മിയ ഉയര്ന്നുവന്നു. അവിടന്നങ്ങോട്ട് നാലുവര്ഷം.
വീഴ്ചയും പെട്ടെന്നായിരുന്നു. 2004ല് തന്െറ അനുയായി രണ്ബീര് സിങ് മഹേന്ദ്രയെ ബി.സി.സി.ഐ തലപ്പത്തത്തെിച്ച അദ്ദേഹത്തിനെ തൊട്ടടുത്തവര്ഷം ശരദ്പവാറും കൂട്ടരും ചേര്ന്ന് തറപറ്റിച്ചു. അഴിമതി ആരോപണങ്ങളില് കുരുക്കി പവാറും കൂട്ടരും വിലക്കിന്െറ വജ്രായുധവും പ്രയോഗിച്ചു. എന്നാല്, കോടതിയുടെ വഴിയില് അവയെല്ലാം നേരിട്ട ഡാല്മിയ ശക്തമായി തിരിച്ചുവന്നു. 2013ല് എന്. ശ്രീനിവാസന്െറ കാലിടറിത്തുടങ്ങിയ വേളയില് താല്ക്കാലികമായും പിന്നീട് ഈവര്ഷം തെരഞ്ഞെടുപ്പിന്െറ വഴിയിലൂടെയും ബി.സി.സി.ഐയുടെ തലപ്പത്തേക്ക് വീണ്ടും ഡാല്മിയ എത്തിയപ്പോള് തിരിച്ചുവരവിന്െറ തമ്പുരാനെന്ന പട്ടവും ചാര്ത്തിക്കിട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.