ബെർലിൻ: ജർമൻ ബുണ്ടസ് ലിഗയിൽ തോൽവിയിൽ നിന്ന് രക്ഷപ്പെട്ട് ബയേൺ മ്യൂണിക്. 87ാം മിനിറ്റിൽ ലഭിച്ച പെനാൽറ്റി കിക്ക് സൂപ്പർ താരം ഹാരി കെയ്ൻ ലക്ഷ്യത്തിലെത്തിച്ചതോടെ അലയൻസ് അറീനയിൽ മെയ്ൻസിനോട് 2-2 സമനില പിടിച്ചു നിലവിലെ ചാമ്പ്യന്മാർ.
29ാം മിനിറ്റിൽ ലെന്നർട്ട് കാൾ ബയേണിനെ മുന്നിലെത്തിച്ചിരുന്നു. ആദ്യ പകുതി തീരാനിരിക്കെ കാസ്പർ പൊട്ടുൾസ്കി (45+2) സന്ദർശകർക്കായി തിരിച്ചടിച്ചു.
67ാം മിനിറ്റിൽ ലീ ജേ സങ്ങിലൂടെ ഇവർ ലീഡും കൈക്കലാക്കി. കെയ്നിനെ പൊട്ടുൾസ്കി ഫൗൾ ചെയ്തതിനായിരുന്നു പെനാൽറ്റി. കിരീടത്തിലേക്ക് കുതിക്കുന്ന ബയേണിന് 14 മത്സരങ്ങളിൽ 38 പോയന്റുണ്ട്. രണ്ടും മൂന്നും സ്ഥാനക്കാരുമായി ഒമ്പത് പോയന്റ് വ്യത്യാസം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.