കോഴിക്കോട്: കെ.എസ്.ഇ.ബി താരങ്ങൾ അണിനിരന്ന വനിതാ പോരാട്ടത്തിൽ കോഴിക്കോടിനെ ഏകപക് ഷീയമായ സെറ്റുകൾക്ക് തകർത്ത തിരുവനന്തപുരം സംസ്ഥാന സീനിയർ സൂപ്പർ സോൺ വോളിബാൾ കിര ീടം നിലനിർത്തി. സ്കോർ: 25-13, 25-22, 25-12. കുന്ദമംഗലം സാേൻറാസ് സ്റ്റേഡിയത്തിൽ നടന്ന ഫൈനലിൽ കെ.എസ്.ഇ.ബിയുടെ ഇന്ത്യൻ താരം എസ്. രേഖയുടെ നേതൃത്വത്തിലിറങ്ങിയ തിരുവനന്തപുരം ആദ്യ സെറ്റ് എളുപ്പം സ്വന്തമാക്കി.
ഇന്ത്യൻ സെറ്റർ കെ.എസ്. ജിനിയും അഞ്ജു ബാലകൃഷ്ണനും എം. ശ്രുതിയും തിരുവനന്തപുരത്തിനായി തിളങ്ങി. രണ്ടാം സെറ്റിൽ കാണികളുടെ പിന്തുണയിൽ കോഴിക്കോട് ഉണർന്നു കളിച്ചു. അനുശ്രീയും എസ്. സൂര്യയും സെറ്റർ ഇ. അശ്വതിയും തിരുവനന്തപുരത്തെ വിറപ്പിച്ചു. എന്നാൽ, രേഖയുടെയും അഞ്ജു ബാലകൃഷ്ണെൻറയും ഒാൾറൗണ്ട് മികവിൽ തിരുവനന്തപുരം ടീം പതറാതെ കളിച്ചു.
21-18ന് മുന്നിലെത്തിയിട്ടും അവസാന ഘട്ടത്തിലെ ഉഴപ്പൽ കോഴിക്കോടിന് രണ്ടാം സെറ്റും നഷ്ടമാക്കി. തീർത്തും നിറംമങ്ങിയ ആതിഥേയരെ 20 മിനിറ്റുകൊണ്ട് തിരുവനന്തപുരം ചുരുട്ടിക്കെട്ടി. സംസ്ഥാന സ്പോർട്സ് കൗൺസിൽ പ്രസിഡൻറ് ടി.പി. ദാസൻ സമ്മാനങ്ങൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.