തിരുവനന്തപുരം: സംസ്ഥാന സ്കൂള്‍ ഗെയിംസിന്‍െറ ഗ്രൂപ് രണ്ട് മത്സരങ്ങള്‍ക്ക് തിരുവനന്തപുരത്ത് തുടക്കം. ആദ്യദിവസം അണ്ടര്‍ 17 ആണ്‍കുട്ടികളുടെയും പെണ്‍കുട്ടികളുടെയും മത്സരങ്ങളാണ് നടന്നത്. രാത്രി നടന്ന പെണ്‍കുട്ടികളുടെ ബാസ്കറ്റ്ബാളില്‍ കോഴിക്കോടിനെ തിരുവനന്തപുരം തോല്‍പിച്ചു (സ്കോര്‍ 60-44). ആണ്‍കുട്ടികളുടെ ബാസ്കറ്റ് ബാള്‍ ഫൈനലില്‍ ബുധനാഴ്ച കണ്ണൂര്‍ കോട്ടയത്തെ നേരിടും. ടേബിള്‍ ടെന്നിസില്‍ എറണാകുളത്തെ പരാജയപ്പെടുത്തി വയനാട് ചാമ്പ്യന്മാരായി.(സ്കോര്‍ 3-0). ഇഞ്ചോടിഞ്ച് പോരാട്ടം നടന്ന പെണ്‍കുട്ടികളുടെ വിഭാഗത്തില്‍ വയനാടിനെ 5-3ന് തകര്‍ത്ത് കോഴിക്കോട് ജേതാക്കളായി. പെണ്‍കുട്ടികളുടെ ഹോക്കിയില്‍ തിരുവനന്തപുരവും തൃശൂരും ഫൈനലില്‍ പ്രവേശിച്ചു. ആണ്‍കുട്ടികളുടെ വിഭാഗത്തില്‍ മലപ്പുറവും തൃശൂരുമാണ് ഫൈനലിലത്തെിയത്. ഫൈനല്‍ ബുധനാഴ്ച നടക്കും.
ആണ്‍കുട്ടികളുടെ ജൂഡോയില്‍ സായൂജ് സാജന്‍ -തൃശൂര്‍ (25 കിലോക്ക് താഴെ), അര്‍ജുന്‍ എം.എസ് -എറണാകുളം (30 കിലോക്ക് താഴെ), പി. നവീന്‍ദാസ് -കണ്ണൂര്‍ (35 കിലോക്ക് താഴെ) ഇമാനുവല്‍ സെബാസ്റ്റ്യന്‍ -ആലപ്പുഴ (40 കിലോക്ക് താഴെ), കെ.എസ്. ഗോകുല്‍ -എറണാകുളം (45 കിലോക്ക് താഴെ), അഖില്‍ വി. ദിലീപ് -ഇടുക്കി (50 കിലോക്ക് താഴെ) അമല്‍ വി. ദിലീപ് -ഇടുക്കി (55 കിലോക്ക് മുകളില്‍) എന്നിവര്‍ സ്വര്‍ണംനേടി. വി.എസ്. ശിവകുമാര്‍ എം.എല്‍.എ ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.