ന്യൂഡൽഹി: ഏഷ്യാഡിനുള്ള ദേശീയ ക്യാമ്പിൽ ഹാജരാവാത്തതിനെത്തുടർന്ന് ഗുസ്തി താരങ്ങളെ പുറത്താക്കിയ നടപടിയിൽ റെസ്ലിങ് ഫെഡറേഷൻ ഒാഫ് ഇന്ത്യക്ക് മനംമാറ്റം. ‘ദംഗൽ’ സിനിമയിലൂടെ പ്രശസ്തരായ ഫോഗട്ട് സഹോദരിമാരിലെ ഗീത, റിതു, സംഗീത എന്നിവരുൾപ്പെട്ട താരങ്ങൾ നൽകിയ വിശദീകരണം പരിഗണിച്ചാണ് ലഖ്നോവിൽ നടക്കുന്ന ക്യാമ്പിൽ ഇവർക്ക് പുനഃപ്രവേശനം നൽകാൻ തീരുമാനമായത്.
ഇതോടെ, ജകാർത്ത ഏഷ്യൻ ഗെയിംസിനുള്ള സെലക്ഷൻ ട്രയൽസിൽ പെങ്കടുക്കാനും ഇവർക്ക് കഴിയും. എന്നാൽ, തൃപ്തികരമായ വിശദീകരണം നൽകാൻ സാധിക്കാത്ത കോമൺവെൽത്ത് മെഡൽ ജേതാവ് കൂടിയായ ബബിത ഫോഗട്ടിനെ ഡബ്ല്യൂ.എഫ്.െഎ സസ്പെൻഡ് ചെയ്തു. കാരണം, കാണിക്കൽ നോട്ടീസയച്ച 15 പേരിൽ ആറുപേർക്കും സസ്പെൻഷൻ ലഭിച്ചു. ജൂൺ 25 വരെയാണ് ക്യാമ്പ് നിശ്ചയിച്ചിരിക്കുന്നത്. പുരുഷന്മാർക്കുള്ള ക്യാമ്പ് സോനാപതിലാണ് നടന്നു കൊണ്ടിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.