കോമൺവെൽത്ത്​ ഗെയിംസ്​: ആദ്യ ദിനം ഇന്ത്യക്ക്​ സ്വർണവും വെള്ളിയും

ഗോൾഡ്​ കോസ്​റ്റ്​ (ആസ്​ട്രേലിയ): 21ാമത്​ കോമൺവെൽത്ത്​ ഗെയിംസിലെ മത്സരവേദി ഉണർന്ന ദിനം ഇന്ത്യക്ക്​ സ്വർണവ​ും വെള്ളിയും. വെയ്​റ്റ്​ലിഫ്​റ്റിങ്ങിലായിരുന്നു ഇന്ത്യയുടെ മെഡൽ നേട്ടങ്ങൾ. വനിതകളുടെ 48 കി. വിഭാഗത്തിൽ മീരാഭായ്​ ചാനു ഗെയിംസ്​ റെക്കോഡോടെ സ്വർണം മാറിലണിഞ്ഞപ്പോൾ പുരുഷന്മാരുടെ 58 കി. വിഭാഗത്തിൽ പി. ഗുരുരാജ വെള്ളി സ്വന്തമാക്കി. കഴിഞ്ഞതവണ ഗ്ലാസ​്​ഗോയിൽ വെള്ളി സ്വന്തമാക്കിയിരുന്ന ചാനു സ്​നാച്ചിൽ 86 കിലോയും ക്ലീൻ ആൻഡ്​ ജർകിൽ 110 കിലോയു​മടക്കം 196 കിലോ ഉയർത്തിയാണ്​ റെക്കോഡ്​ പ്രകടനവുമായി സ്വർണം നേടിയത്​. ഗുരുരാജ സ്​നാച്ചിൽ 111 കിലോയും ക്ലീൻ ആൻഡ്​ ജർകിൽ 138 കിലോയു​മടക്കം 249 കിലോ ഉയർത്തിയാണ്​ വെള്ളി നേടിയത്​.

സുവർണ ചാനു; രജത രാജ
ഗോൾഡ്​ കോസ്​റ്റ്​ (ആസ്​ട്രേലിയ): റിയോ ഡി ജനീറോയിലെ കണ്ണീർ സായ്​കോം മീരാഭായ്​ ചാനു സുവർണതീരത്ത്​ തുടച്ചുകളഞ്ഞു. മെഡൽ പ്രതീക്ഷയോടെ ഒളിമ്പിക്​സിനെത്തി ഒരു ലിഫ്​റ്റ്​ പോലും ഉയർത്താനാവാതെ പതറിയ ചാനു ഇന്ത്യൻ ക്യാമ്പിലെ കണ്ണീർകാഴ്​ചയായിരുന്നു. എന്നാൽ, കരാറ സ്​പോർട്​സ്​ ആൻഡ്​ ലീഷർ സ​​​​െൻററിൽ വ്യാഴാഴ്​ച ചാനുവി​​​​​െൻറ ദിനമായിരുന്നു. കോമൺവെൽത്ത്​ റെക്കോഡും ഗെയിംസ്​ റെക്കോഡും സ്വന്തമാക്കിയായിരുന്നു 23കാരിയുടെ സുവർണനേട്ടം.

48 കിലോ വിഭാഗത്തിൽ മത്സരിച്ച ചാനു ആദ്യം സ്​നാച്ചിലാണ്​ റെക്കോഡുകൾ തകർത്തത്​. ആദ്യ ശ്രമത്തിൽ 80 കിലോയും രണ്ടാംവട്ടം 84 കിലോയും ഉയർത്തിയശേഷം മൂന്നാം അവസരത്തിൽ 86 കിലോ ഉയർത്തിയായിരുന്നു റെക്കോഡ്​ പ്രകടനം. പിന്നീട്​ സ്​നാച്ചിൽ മൂന്ന്​ ശ്രമങ്ങളിലായി 103 കി., 107 കി., 110 കി. ഉയർത്തി. ഇതോടെ മൊത്തം 196 കിലോ (സ്​നാച്ചിൽ 86 കിലോ + ക്ലീൻ ആൻഡ്​ ജർകിൽ 110 കിലോ) ഉയർത്തിയ ചാനു അതിലും കോമൺവെൽത്ത്​, ഗെയിംസ്​ റെക്കോഡുകൾ ത​​​​​െൻറ പേരിലാക്കി. 
‘‘ഇൗ വിജയത്തെ വിശേഷിപ്പിക്കാൻ വാക്കുകളില്ല. ഇവിടെ വരു​േമ്പാൾ റെക്കോഡ്​ തകർക്കാനാവുമെന്ന്​ കരുതിയിരുന്നില്ല. റെക്കോഡോടെ സ്വർണം നേടാനായതിൽ അതിയായ സന്തോഷമുണ്ട്​​. ഒളിമ്പിക്​സിലെ ഭാഗ്യദോഷം മനസ്സിൽനിന്ന്​ മായുന്നില്ല. പക്ഷേ, ഇതുപോലുള്ള വിജയങ്ങൾ ഏറെ സ​ന്തോഷം പകരുന്നു. അടുത്ത ലക്ഷ്യം ഏഷ്യൻ ഗെയിംസാണ്​’’ -ചാനു പറഞ്ഞു. 

ചാനുവിന്​ വെല്ലുവിളിയുയർത്തുമെന്ന്​ കരുതപ്പെട്ടിരുന്ന കാനഡയുടെ അമാൻഡ ബ്രാഡ്​കോക്ക്​ സ്​നാച്ചിൽ 76 കിലോ മാത്രം ഉയർത്തിയപ്പോൾ ക്ലീൻ ആൻഡ്​ ജർകിൽ ഒരു ലിഫ്​റ്റ്​ പോലും പൂർത്തിയാക്കാൻ സാധിക്കാതെ പിൻവാങ്ങി. ​േമാറിത്താനിയയുടെ മേരി റനൈവോസോവ (170 കി.) വെള്ളിയും ശ്രീലങ്കയുടെ ധിനുഷ ഗോമസ്​ ​(155 കി.) വെങ്കലവും കരസ്ഥമാക്കി.2014 ഗ്ലാസ്​ഗോ കോമൺവെൽത്ത്​ ഗെയിംസിൽ വെള്ളി നേടിയിരുന്ന ചാനു നിലവിലെ ലോക ചാമ്പ്യൻഷിപ്​ സ്വർണ ജേത്രിയുമാണ്​. അവിടെ ഉയർത്തിയ 194 കിലോ എന്ന വ്യക്​തിഗത പ്രകടനം മെച്ചപ്പെടുത്താനും മണിപ്പുരുകാരിക്കായി. 

ആദ്യ ​കോമൺവെൽത്ത്​ ഗെയിംസിനിറങ്ങിയ ഗുരുരാജ പുറത്താവലി​​​​​െൻറ വക്കിൽനിന്ന്​ തിരി​ച്ചെത്തിയാണ്​ 56 കിലോ വിഭാഗത്തിൽ വെള്ളിനേട്ടത്തിലെത്തിയത്​. സ്​നാച്ചിൽ 111 കിലോയുമായി മൂന്നാം സ്ഥാനത്തായിരുന്ന ഗുരുരാജ​ ക്ലീൻ ആൻഡ്​ ജർകിൽ ആദ്യ രണ്ട്​ ശ്രമത്തിലും ഉയർത്താനാവാതായതോടെ വൻ സമ്മർദത്തിലായി. എന്നാൽ, അവസാന അവസരത്തിൽ 138 കിലോ ഉയർത്തിയ ഇന്ത്യൻതാരം രണ്ടാം സ്ഥാനത്തേക്കുയരുകയായിരുന്നു. മൊത്തം 249 കിലോയാണ്​ (സ്​നാച്ചിൽ 111 കിലോ + ക്ലീൻ ആൻഡ്​ ജർകിൽ 138 കിലോ) കർണാടകയിൽനിന്നുള്ള 25 കാരൻ ഉയർത്തിയത്​. 

ട്രിപ്ൾ കോമൺവെൽത്ത്​ ചാമ്പ്യനായ മലേഷ്യയുടെ മുഹമ്മദ്​ ഇസ്​ഹർ അഹ്​​മദ്​ ആണ്​ 161 കിലോയുമായി (117+144) സ്വർണം നേടിയത്​. സ്​നാച്ച്​, ഒാവറോൾ ഗെയിംസ്​ ​റെക്കോഡോടെയായിരുന്നു അഹ്​മദി​​​​​െൻറ നേട്ടം. ശ്രീലങ്കയുടെ ലക്​മൽ ചതുരംഗ 248 (114+134) വെങ്കലം സ്വന്തമാക്കി. ‘‘ഇന്ത്യക്കായി മെഡൽ നേടാനായതിൽ ഏറെ സന്തോഷമുണ്ട്​.എ​​േൻറത്​ മികച്ച പ്രകടനമായിരുന്നില്ല. എന്നാലും, വെള്ളിനേട്ടം മികച്ചതാണ്​’’ -ഗുരുരാജ പറഞ്ഞു. 

സജൻ പ്രകാശ്​ പുറത്ത്​
പുരുഷവിഭാഗം നീന്തൽ 50 മീ. ബട്ടർഫ്ലൈയിൽ മലയാളി താരം സജൻ പ്രകാശ്​ സെമിയിലെത്താതെ പുറത്തായി. ഇതേവിഭാഗത്തിൽ ഇന്ത്യയുടെ വീർധവാൽ ഖഡെയും 100 മീ. ബാക്ക്​സ്​ട്രോക്കിൽ ശ്രീഹരി നടരാജും​ സെമിയിലേക്ക്​ മുന്നേറി. സ്​ക്വാഷിൽ പുരുഷവിഭാഗത്തിൽ ഹരീന്ദർ പാൽ സന്ധുവും വിക്രം മൽഹോത്രയും രണ്ടാം റൗണ്ടിൽ കടന്നു. ടേബിൾ ടെന്നിസ്​ വനിത ടീം വിഭാഗത്തിൽ ഇന്ത്യ 3-0ത്തിന്​ ശ്രീലങ്കയെ തോൽപിച്ചു. 

ബാഡ്​മിൻറണിൽ വിജയത്തുടക്കം
ഇന്ത്യ മെഡൽവേട്ട പ്രതീക്ഷിക്കുന്ന ബാഡ്​മിൻറണിൽ ഇന്ത്യക്ക്​ ജയത്തോടെ തുടക്കം. മിക്​സഡ്​ ടീം വിഭാഗത്തിൽ ഇന്ത്യ 5-0ത്തിന്​ ശ്രീലങ്കയെയാണ്​ തകർത്തത്​. സിംഗ്​ൾസിൽ കെ. ശ്രീകാന്ത്​, സൈന നെഹ്​വാൾ എന്നിവരും ഡബ്​ൾസിൽ സാത്വിക്​ റാൻകി റെഡ്​ഡി-ചിരാഗ്​ ഷെട്ടി, അശ്വിനി പൊന്നപ്പ-എൻ. സിക്കി റെഡ്​ഡി, പ്രണവ്​ ചോപ്ര-റിത്വിക ഗഡെ ടീമുകളുമാണ്​ ജയിച്ചത്​. 

ശ്രീകാന്ത്​ 21-16, 21-10ന്​ നിലുക കരുണരത്​നെയെയും സൈന 21-8, 21-4ന്​ മധുഷിക ബെറുലഗയെയുമാണ്​ തോൽപിച്ചത്​. ​സാത്വിക്​ റാൻകി റെഡ്​ഡി-ചിരാഗ്​ ഷെട്ടി ജോടി 21-17, 21-14ന്​ ധിനുക കരുണരത്​നെ-ബൂവെങ്ക ഗുണതിലകെ ടീമിനെയും അശ്വിനി പൊന്നപ്പ-എൻ. സിക്കി റെഡ്​ഡി സഖ്യം 21-12, 21-14ന്​ തിലിനി പ്രമോദിക-കവിദി സിറിനഗെ ജോടിയെയും പ്രണവ്​ ചോപ്ര-റിത്വിക ഗഡെ ടീം 21-15, 19-21, 22-20ന്​ സചിൻ ഡയസ്​-തിലിനി പ്രമോദിക സഖ്യത്തെയുമാണ്​ തോൽപിച്ചത്​. 

ഹോക്കിയിൽ വനിതകൾക്ക്​ തോൽവി
ഹോക്കിയിൽ ഇന്ത്യൻ വനിതകൾക്ക്​ ആദ്യ കളിയിൽ അപ്രതീക്ഷിത പരാജയം. ഗ്രൂപ്​​ എയിൽ വെയിൽസാണ്​ 3^2ന്​ ഇന്ത്യയെ അട്ടിമറിച്ചത്​. വെയിൽസിനായി ലിസ ഡാലി, സിയാൻ ഫ്രഞ്ച്​, നതാഷ മാർക്​ ജോൺസ്​ എന്നിവർ ഗോൾ നേടിയപ്പോൾ ഇന്ത്യയുടെ ഗോളുകൾ റാണി രാംപാൽ, നിക്കി പ്രധാൻ എന്നിവരുടെ സ്​റ്റിക്കിൽനിന്നായിരുന്നു. 14 പെനാൽറ്റി കോർണറുകൾ തുലച്ചാണ്​ ലോക പത്താം നമ്പർ ടീമായ ഇന്ത്യ, ചെറുമീനുകളായ വെയിൽസിനോട്​ അടിയറവ്​ പറഞ്ഞത്​. 

ഗോൾഡ്​ കോസ്​റ്റിൽ ഇന്ത്യ ഇന്ന്

• വെയ്​റ്റ്​ലിഫ്​റ്റിങ്​ (48 കി. വനിത): മീരാഭായ്​ ചാനു-സ്വർണം
• വെയ്​റ്റ്​ലിഫ്​റ്റിങ്​ (56 കി. പുരു): ഗുരുരാജ (വെള്ളി)
• ഹോക്കി (വനിത): വെയിൽസിനോട്​ 2-3ന്​ തോറ്റു
• ബാഡ്​മിൻറൺ (മിക്​സഡ്​ ടീം): ശ്രീലങ്കയെ 5-ത്തിന്​ തോൽപിച്ചു
• ടേബ്​ൾ ടെന്നിസ്​ വനിത ടീം: ശ്രീലങ്കയെ 3-0ത്തിന്​ തോൽപിച്ചു
• നീന്തൽ (50 മീ. ഫ്രീസ്​റ്റൈൽ): വീർധവാൽ ഖഡെ സെമിയിൽ 
• നീന്തൽ (100 മീ. ബാക്ക്​സ്​ട്രോക്ക്​): ശ്രീഹരി നടരാജ്​ സെമിയിൽ 
• സ്​ക്വാഷ്​ (സിംഗ്​ൾസ്​ പുരു): ഹരീന്ദർ പാൽ സന്ധു രണ്ടാം റൗണ്ടിൽ
• സ്​ക്വാഷ്​ (സിംഗ്​ൾസ്​ പുരു): വിക്രം മൽഹോത്ര രണ്ടാം റൗണ്ടിൽ