റിയോ ഡെ ജനീറോ: വനിതകളുടെ 100 മീറ്റര് മെഡ്ലെ നീന്തല് റിലേയില് സ്വര്ണം നേടിയതോടെ അമേരിക്കയുടെ പേരില് അതുല്യ റെക്കോഡ്. ഒളിമ്പിക്സ് ചരിത്രത്തില് 1000 സ്വര്ണമെന്ന പെരുമയാണ് ടീം സ്വന്തമാക്കിയത്. യു.എസ് ഒളിമ്പിക് കമ്മിറ്റിയാണ് ഇക്കാര്യം വെളിപ്പെടുത്തിയത്. റിയോയിലേക്ക് വരുമ്പോള് 977 സ്വര്ണമായിരുന്നു അക്കൗണ്ടിലുണ്ടായിരുന്നത്. റിലേ ടീം വിജയിച്ചതോടെ സഹസ്ര സ്വര്ണം വിരിയുകയായിരുന്നു. എടുത്തുപറയാവുന്ന നേട്ടമാണിതെന്ന് യു.എസ് ഒളിമ്പിക് കമ്മിറ്റി തലവന് സ്കോട്ട് ബ്ളാക്മണ് പറഞ്ഞു. 1896ല് ജെയിംസ് കൊനോലിയാണ് അമേരിക്കയുടെ ആദ്യ സ്വര്ണ ജേതാവ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.