ന്യൂഡല്ഹി: റിയോ ഒളിമ്പിക്സിലേക്ക് പടപ്പുറപ്പാടുമായി ഇന്ത്യന് സംഘം തുര്ക്കിയിലേക്ക്. അത്ലറ്റുകളും കോച്ചുമാരുമടങ്ങുന്ന 22 അംഗ സംഘമാണ് ഒളിമ്പിക്സ് തയാറെടുപ്പുകളുടെ ഭാഗമായി 70 ദിവസത്തെ പരിശീലനത്തിന് തുര്ക്കിയിലെ അന്റല്യയിലേക്ക് പറക്കുന്നത്. അശ്വിനി അകുഞ്ചി, ആരോഗ്യ രാജീവ്, എം.ആര്. പൂവമ്മ, മലയാളി താരങ്ങളായ സിനി ജോസ്, ജിതിന് പോള് എന്നിവര് ഉള്പ്പെടുന്ന 400, 400മീ. ഹര്ഡ്ല്സ്, റിലേ ടീമുകളാണ് കോച്ച് യൂറി ഒഗറോണികിനു കീഴില് ഉന്നത പരിശീലനത്തിനായി ശനിയാഴ്ച യാത്രതിരിക്കുന്നത്. എട്ട് വനിതാ താരങ്ങളും ഒമ്പത് പുരുഷതാരങ്ങളും കോച്ചും സപ്പോര്ട്ടിങ് സ്റ്റാഫുമടക്കം 22 പേരാണ് സംഘത്തിലുള്ളത്.
2016 ആഗസ്റ്റ് അഞ്ച് മുതല് 21വരെയാണ് റിയോ ഒളിമ്പിക്സ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.