കൊച്ചി: സംസ്ഥാനത്ത് ഫിഫ നിലവാരത്തില് നിര്മിച്ച ആദ്യത്തെ സിന്തറ്റിക് ഫുട്ബാള് ടര്ഫിന്െറ ഉദ്ഘാടനം ഈമാസം 10ന് നടക്കും. എറണാകുളം കെ.എസ്.ആര്.ടി.സി സ്റ്റാന്ഡിന് സമീപത്തെ അംബേദ്കര് സ്റ്റേഡിയത്തിലാണ് ഫിഫ നിലവാരത്തില് ടര്ഫ് നിര്മിച്ചത്. ഇതിന്െറ ഉദ്ഘാടനം 10ന് രാവിലെ ഒമ്പതിന് മുഖ്യമന്ത്രി ഉമ്മന് ചാണ്ടി നിര്വഹിക്കുമെന്ന് ഹൈബി ഈഡന് എം.എല്.എ വാര്ത്താസമ്മേളനത്തില് അറിയിച്ചു. ജി.സി.ഡി.എയുടെ അധീനതയിലുള്ള അംബേദ്കര് സ്റ്റേഡിയം ഫിഫയുടെ സാമ്പത്തികസഹായം ഉപയോഗിച്ചാണ് നിര്മിക്കുന്നത്. അഞ്ചുകോടി മുതല് മുടക്കില് നിര്മിക്കുന്ന സിന്തറ്റിക് ടര്ഫിന് 112 മീറ്റര് നീളവും 78 മീറ്റര് വീതിയുമാണുള്ളത്. സിന്കോട്സ് എന്ന ഇറ്റാലിയന് കമ്പനിക്കായിരുന്നു പദ്ധതിയുടെ നിര്മാണച്ചുമതല. ഫിഫ രാജ്യത്ത് നിര്മിക്കുന്ന അഞ്ച് സ്റ്റേഡിയങ്ങളില് ഒന്നാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.