ഇൻജുറി ടൈം ത്രില്ലർ; അവസാന നിമിഷം പരാജയം ഒഴിവാക്കി മാഞ്ചസ്റ്റർ യുണൈറ്റഡ്

ല​ണ്ട​ൻ: ഇം​ഗ്ലീ​ഷ് പ്രീ​മി​യ​ർ ലീ​ഗി​ൽ ക​രു​ത്ത​ർ ത​മ്മി​ലു​ള്ള പോ​രാ​ട്ട​ത്തി​ൽ തു​ല്യ​ത. ടോ​ട്ട​ൻ​ഹാം ഹോ​ട്സ്പ​റും മാ​ഞ്ച​സ്റ്റ​ർ യു​നൈ​റ്റ​ഡു​മാ​ണ് നാ​ലു ഗോ​ൾ പ​ങ്കി​ട്ട് പോ​യ​ന്റ് പ​ങ്കു​വെ​ച്ച​ത്. ടോ​ട്ട​ൻ​ഹാ​മി​നാ​യി മ​ത്യാ​സ് ടെ​ൽ (84), റി​ച്ചാ​ർ​ലി​സ​ൺ (90+1) എ​ന്നി​വ​രും യു​നൈ​റ്റ​ഡി​നാ​യി ബ്ര​യാ​ൻ എം​ബ്യൂ​മോ (32), മ​ത്യാ​സ് ഡി​ലി​റ്റ് (90+6) എ​ന്നി​വ​രു​മാ​ണ് സ്കോ​ർ ചെ​യ്ത​ത്.

11 മ​ത്സ​ര​ങ്ങ​ളി​ൽ ഇ​രു​ടീ​മു​ക​ൾ​ക്കും 18 പോ​യ​ന്റ് വീ​ത​മാ​ണെ​ങ്കി​ലും ടോ​ട്ട​ൻ​ഹാം മൂ​ന്നാ​മ​തും യു​നൈ​റ്റ​ഡ് ഏ​ഴാ​മ​തു​മാ​ണ്. 10 ക​ളി​ക​ളി​ൽ 25 പോ​യ​ന്റു​മാ​യി ആ​ഴ്സ​ന​ലാ​ണ് ത​ല​പ്പ​ത്ത്. 10 മ​ത്സ​ര​ങ്ങ​ളി​ൽ 19 പോ​യ​ന്റു​മാ​യി മാ​ഞ്ച​സ്റ്റ​ർ സി​റ്റി ര​ണ്ടാ​മ​തു​ണ്ട്. 10 ക​ളി​ക​ളി​ൽ 18 പോ​യ​ന്റ് വീ​ത​മു​ള്ള ലി​വ​ർ​പൂ​ൾ, സ​ണ്ട​ർ​ല​ൻ​ഡ്, ബോ​ൺ​മൗ​ത്ത് ടീ​മു​ക​ൾ പോ​യ​ന്റ് പ​ട്ടി​ക​യി​ൽ ടോ​ട്ട​ൻ​ഹാ​മി​നും യു​നൈ​റ്റ​ഡി​നു​മി​ട​യി​ലു​ണ്ട്.

ടോ​ട്ട​ൻ​ഹാം ഹോ​ട്സ്പ​ർ സ്റ്റേ​ഡി​യ​ത്തി​ൽ ന​ട​ന്ന അ​ങ്ക​ത്തി​ൽ ആ​ദ്യ വെ​ടി​പൊ​ട്ടി​ച്ച​ത് യു​നൈ​റ്റ​ഡാ​യി​രു​ന്നു. ക​ളി അ​ര മ​ണി​ക്കൂ​ർ പി​ന്നി​ട​വെ അ​മ​ദ് ദി​യാ​ലോ വ​ല​തു​വി​ങ്ങി​ൽ​നി​ന്ന് ന​ൽ​കി​യ ക്രോ​സി​ൽ ഹെ​ഡ​റി​ലൂ​ടെ​യാ​യി​രു​ന്നു എം​ബ്യൂ​മോ​യു​ടെ ഗോ​ൾ. പ​തി​വി​ൽ​നി​ന്ന് വി​ഭി​ന്ന​മാ​യി ദി​യാ​ലോ​യെ റൈ​റ്റ് വി​ങ് ബാ​ക്കി​ൽ​നി​ന്ന് മാ​റ്റി വ​ല​തു​സ്ട്രൈ​ക്ക​റാ​ക്കി​യ യു​നൈ​റ്റ​ഡ് കോ​ച്ച് റൂ​ബ​ൻ അ​മോ​റിം എം​ബ്യൂ​മോ​യെ ഇ​ട​തു​സ്ട്രൈ​ക്ക​റാ​യാ​ണ് ക​ളി​പ്പി​ച്ച​ത്. ഒ​രു ഗോ​ൾ ലീ​ഡി​ൽ യു​നൈ​റ്റ​ഡ് ജ​യ​ത്തി​ലേ​​ക്കെ​ന്ന് തോ​ന്നി​ച്ച ഘ​ട്ട​ത്തി​ലാ​യി​രു​ന്നു തോ​മ​സ് ഫ്രാ​ങ്കി​ന്റെ ടോ​ട്ട​ൻ​ഹാം ഇ​ര​ട്ട ഗോ​ളു​മാ​യി തി​രി​ച്ച​ടി​ച്ച​ത്. പ​ക​ര​ക്കാ​ര​നാ​യി ഇ​റ​ങ്ങി​യ മ​ത്യാ​സ് ടെ​ൽ ആ​യി​രു​ന്നു സ​മ​നി​ല പി​ടി​ച്ച​ത്.

പി​ന്നാ​ലെ ആ​ക്ര​മ​ണം ക​ന​പ്പി​ച്ച ടോ​ട്ട​ൻ​ഹാം ഇ​ഞ്ചു​റി സ​മ​യ​ത്തി​ന്റെ ആ​ദ്യ മി​നി​റ്റി​ൽ റി​ച്ചാ​ർ​ലി​സ​ണി​ന്റെ ഹെ​ഡ​ർ ഗോ​ളി​ലു​ടെ ലീ​ഡും പി​ടി​ച്ചു. എ​ന്നാ​ൽ, യു​നൈ​റ്റ​ഡ് വി​ട്ടു​കൊ​ടു​ക്കാ​ൻ ഒ​രു​ക്ക​മാ​യി​രു​ന്നി​ല്ല. ഫൈ​ന​ൽ വി​സി​ലി​ന് തൊ​ട്ടു​മു​മ്പ് ല​ഭി​ച്ച കോ​ർ​ണ​റി​ൽ ബ്രൂ​ണോ ഫെ​ർ​ണാ​ണ്ട​സി​ന്റെ ഡെ​ലി​വ​റി​ൽ ബാ​ക്ക്പോ​സ്റ്റി​ൽ ഉ​യ​ർ​ന്നു​ചാ​ടി​യ ഡി​ലി​റ്റ് ത​ക​ർ​പ്പ​ൻ ഹെ​ഡ​റി​ലൂ​ടെ ടീ​മി​ന് സ​മ​നി​ല സ​മ്മാ​നി​ച്ചു.

ആഴ്സനലിന് സമനില; ചെൽസിക്ക് ജയം

ലണ്ടൻ: ഇംഗ്ലീഷ് പ്രീമിയർ ലീഗിലേക്ക് പ്രമോഷൻ കിട്ടിയെത്തിയ സണ്ടർലൻഡ് ഗംഭീര പ്രകടനം തുടർന്നപ്പോൾ മുമ്പന്മാരായ ആഴ്സനലിന് പോയന്റ് നഷ്ടം.

ഇഞ്ചുറി സമയ ഗോളിൽ 2-2നാണ് ഗണ്ണേഴ്സിനെ ബ്ലാക്ക് ക്യാറ്റ്സ് തളച്ചത്. 94ാം മിനിറ്റിൽ ഡച്ച് സ്ട്രൈക്കർ ബ്രയാൻ ബ്രോബിയുടെ അക്രോബാറ്റിക് ഗോളാണ് സണ്ടർലൻഡിന് സമനില സമ്മാനിച്ചത്. 36ാം മിനിറ്റിൽ ഡാനി ബല്ലാർഡിന്റെ ഗോളിൽ മുന്നിലെത്തിയ സണ്ടർലൻഡിനെതിരെ രണ്ടാം പകുതിയിൽ ബുകായോ സാക (54), ലിയാൻഡ്രോ ട്രൊസാർഡ് (74) എന്നിവരിലൂടെ ആഴ്സനൽ വിജയത്തിലേക്കെന്ന് ഉറപ്പിച്ച ഘട്ടത്തിലായിരുന്നു ബ്രോബിയുടെ സമനില ഗോൾ. 11 കളികളിൽ 26 പോയന്റുമായി ആഴ്സനൽ തലപ്പത്ത് തുടരുകയാണ്.

വോൾവ്സിനെ 3-0ന് തകർത്ത ചെൽസി 20 പോയന്റുമായി രണ്ടാം സ്ഥാനത്തേക്ക് കയറി. മാലോ ഗസ്റ്റോ, ജാവോ പെഡ്രോ, പെഡ്രോ നെറ്റോ എന്നിവരായിരുന്നു സ്കോറർമാർ. ഒരു ജയം പോലുമില്ലാത്ത വോൾവ്സ് രണ്ട് പോയന്റുമായി അവസാന സ്ഥാനത്താണ്.

ബുണ്ടസ് ലീഗ: ബയേണിന് ബ്രേക്ക്

മ്യൂണിക്: തുടർച്ചയായ 16 വിജയങ്ങളുടെ റെക്കോഡുമായി മുന്നേറുകയായിരുന്ന ബയേൺ മ്യൂണിക്കിന്റെ തേരോട്ടത്തിന് ഒടുവിൽ ജർമൻ ബുണ്ടസ് ലീഗയിൽ യൂനിയൻ ബർലിൻ തടയിട്ടു. ഇഞ്ചുറി സമയത്ത് സൂപ്പർ സ്ട്രൈക്കർ ഹാരി കെയ്ൻ നേടിയ ഗോളിലാണ് ബയേൺ 2-2 സമനിലയുമായി രക്ഷപ്പെട്ടത്. ഡാനിലോ ഡൊയേകി യൂനിയന്റെ രണ്ടു ഗോളും നേടിയപ്പോൾ ലൂയിസ് ഡയസിന്റെ വകയായിരുന്നു ബയേണിന്റെ മറ്റൊരു ഗോൾ. ബയർ ലെവർകൂസൻ 6-0ത്തിന് ഹൈഡൻഹെയ്മിനെ തകർത്തു. 10 കളികളിൽ 28 പോയന്റുമായി ബയേൺ തന്നെയാണ് മുന്നിൽ.

പ്രിമേറാ ലീഗ: ഗ്രീസിട്ട് അത്‍ലറ്റികോ

മഡ്രിഡ്: സ്പാനിഷ് പ്രിമേറാ ലീഗയിൽ അന്റോയിൻ ഗ്രീസ്മാന്റെ ഇരട്ട ഗോൾ മികവിൽ അത്‍ലറ്റികോ മഡ്രിഡിന് ജയം. 3-1ന് ലെവന്റെയെയാണ് തോൽപിച്ചത്. പോയന്റ് പട്ടികയിൽ നാലാമതാണ് അത്‍ലറ്റികോ (25). റയൽ മഡ്രിഡ് (30), വിയ്യാറയൽ (26), ബാഴ്സലോണ (25) ടീമുകളാണ് മുന്നിൽ.