ഇ​ന്റ​ർ കോ​ണ്ടി​നെ​ന്റ​ൽ ക​പ്പ്; ഇ​ന്ത്യ​- ല​ബ​നാ​ൻ അ​വ​സാ​ന ലീ​ഗ് മ​ത്സരം സമനിലയിൽ

ഭു​വ​നേ​ശ്വ​ർ: ഇ​ന്റ​ർ കോ​ണ്ടി​നെ​ന്റ​ൽ ക​പ്പ് ഫു​ട്ബാ​ളി​ലെ അ​വ​സാ​ന ലീ​ഗ് മ​ത്സ​ര​ത്തി​ൽ ഇ​ന്ത്യ​യും ല​ബ​നാ​നും ഗോ​ൾ​ര​ഹി​ത സ​മ​നി​ല​യി​ൽ പി​രി​ഞ്ഞു. വ്യാ​ഴാ​ഴ്ച രാ​ത്രി ക​ലിം​ഗ സ്റ്റേ​ഡി​യ​ത്തി​ൽ ന​ട​ന്ന ക​ളി​യി​ൽ ഇ​രു ടീ​മും ഗോ​ള​വ​സ​രം വി​നി​യോ​ഗി​ക്കു​ന്ന​തി​ൽ പ​രാ​ജ​യ​മാ​യ​പ്പോ​ൾ ആ​ർ​ക്കും ജ​യി​ക്കാ​നാ​യി​ല്ല. വൈ​കീ​ട്ട് ന​ട​ന്ന മ​ത്സ​ര​ത്തി​ൽ മം​ഗോ​ളി​യ​യെ വ​നു​വാ​തു ഏ​ക ഗോ​ളി​ന് വീ​ഴ്ത്തി​യ​തോ​ടെ​ത​ന്നെ ല​ബ​നാ​ൻ ഫൈ​ന​ലി​ലേ​ക്ക് ടി​ക്ക​റ്റെ​ടു​ത്തി​രു​ന്ന​തി​നാ​ൽ റി​ഹേ​ഴ്സ​ലാ​യി​രു​ന്നു ഈ ​ക​ളി. ഇ​ന്ത്യ​ക്ക് ഏ​ഴും ല​ബ​നാ​ന് അ​ഞ്ചും വ​നു​വാ​തു​വി​ന് മൂ​ന്നും മം​ഗോ​ളി​യ​ക്ക് ഒ​രു പോ​യ​ന്റു​മാ​ണു​ള്ള​ത്. ക്യാ​പ്റ്റ​ൻ സു​നി​ൽ ഛേത്രി​യെ ബെ​ഞ്ചി​ലി​രു​ത്തി കോ​ച്ച് ഇ​ഗോ​ർ സ്റ്റി​മാ​ക് പ​രീ​ക്ഷി​ച്ച ആ​ദ്യ ഇ​ല​വ​നി​ൽ മ​ല​യാ​ളി​ക​ളാ​യ ആ​ഷി​ഖ് കു​രു​ണി​യ​നും സ​ഹ​ൽ അ​ബ്ദു​സ്സ​മ​ദു​മു​ണ്ടാ​യി​രു​ന്നു. പ​രി​ക്കി​ൽ​നി​ന്ന് മോ​ചി​ത​നാ​യി തി​രി​ച്ചെ​ത്തി​യ ആ​ഷി​ഖ് ക​ളം നി​റ​ഞ്ഞു. ആ​ദ്യ പ​കു​തി​യി​ൽ ഗോ​ൾ നേ​ടാ​ൻ ഇ​ന്ത്യ​ക്ക് ര​ണ്ട് സു​വ​ർ​ണാ​വ​സ​ര​ങ്ങ​ൾ ല​ഭി​ച്ചി​രു​ന്നു. നാ​ലാം മി​നി​റ്റി​ൽ അ​നി​രു​ദ്ധ് ഥാ​പ്പ തു​ല​ച്ചു​ക​ള​ഞ്ഞു. ബോ​ക്സി​ൽ ചാ​ങ്തെ ന​ൽ​കി​യ പ​ന്തി​ൽ ല​ബ​നാ​ൻ ഗോ​ളി സ​ബാ​ഹ് മാ​ത്രം മു​ന്നി​ൽ നി​ൽ​ക്കെ ഥാ​പ്പ​ക്ക് പി​ഴ​ച്ചു.

പി​ന്നാ​ലെ ല​ബ​നാ​ന്റെ പ്ര​ത്യാ​ക്ര​മ​ണ​വു​മു​ണ്ടാ​യി. 19ാം മി​നി​റ്റി​ൽ ആ​ഷി​ഖി​ന്റെ ഊ​ഴം. ബോ​ക്സി​ൽ​നി​ന്ന് പ​ന്ത് തൊ​ടു​ത്ത​ത് ഗോ​ളി ഡൈവ്ചെയ്ത് ​കൈക​ളിലൊതുക്കി. ര​ണ്ടാം പ​കു​തി​യി​ൽ ല​ഭി​ച്ച അ​വ​സ​ര​ങ്ങ​ളും ഫ​ലം ക​ണ്ടി​ല്ല. 57ാം മി​നി​റ്റി​ൽ ആ​ഷി​ഖി​നെ പി​ൻ​വ​ലി​ച്ച് റ​ഹീം അ​ലി​യെ​യും 72ൽ ​സ​ഹ​ലി​ന് പ​ക​രം മ​ഹേ​ഷി​നെ​യും ഇ​റ​ക്കി. 81ൽ ​ഉ​ദാ​ന്ത സി​ങ്ങി​നെ വ​ലി​ച്ച​പ്പോ​ൾ ഛേത്രി​യും ക​ള​ത്തി​ൽ.

ല​ബ​നാ​ൻ മു​ന്നേ​റ്റ​ക്കാ​രെ പൂ​ട്ടി​യ സ​ന്ദേ​ശ് ജി​ങ്കാ​ന് പ​ക​രം രാ​ഹു​ൽ ഭെ​ക്കെ​യെ​യും ഇ​റ​ക്കി സ്റ്റി​മാ​ക്. ഇ​ൻ​ജു​റി ടൈ​മി​ലും പ​ക്ഷെ, അ​ക്കൗ​ണ്ട് തു​റ​ക്കാ​ൻ ഇ​രു ടീ​മി​നു​മാ​യി​ല്ല. ഞാ​യ​റാ​ഴ്ച​യാ​ണ് ഇ​ന്ത്യ-​ല​ബ​നാ​ൻ ഫൈ​ന​ൽ.