ഗോകുലത്തിന് തട്ടകത്തിൽ തോൽവി; നാം​ധാ​രി​യോ​ട് ​തോ​റ്റത് മറുപടിയില്ലാത്ത രണ്ട് ഗോളിന്

കോ​ഴി​ക്കോ​ട്: ആ​ദ്യ പ​കു​തി​യി​ൽ സ്വ​ന്തം വ​ല​യി​ൽ ക​യ​റി​യ ര​ണ്ടു ഗോ​ളി​ന് സ്വ​ന്തം ത​ട്ട​ക​ത്തി​ൽ നാം​ധാ​രി​യോ​ട് തോ​ൽ​വി ചോ​ദി​ച്ചു​വാ​ങ്ങി ഗോ​കു​ലം കേ​ര​ള എ​ഫ്.​സി. കോ​ഴി​ക്കോ​ട് കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ മി​നി​റ്റു​ക​ളു​ടെ വ്യ​ത്യാ​സ​ത്തി​ൽ പി​റ​ന്ന ര​ണ്ട് ഗോ​ളു​ക​ളി​ലാ​ണ് മ​ല​ബാ​റി​യ​ൻ​സി​നെ ക​രു​ത്ത​രാ​യ നാം​ധാ​രി 2-0 ന് ​മ​റി​ക​ട​ന്ന​ത്. 15ാം മി​നി​റ്റി​ൽ നാം​ധാ​രി​ക്ക് അ​നു​കൂ​ല​മാ​യി ല​ഭി​ച്ച കോ​ർ​ണ​റി​ൽ മ​ൻ​വി​ർ സി​ങ് ആ​ണ് സ​ന്ദ​ർ​ശ​ക​രെ മു​ന്നി​ലെ​ത്തി​ച്ച​ത്. മി​നി​റ്റു​ക​ൾ​ക്കി​ടെ ബോ​ക്സി​നു​ള്ളി​ൽ ഗോ​ൾ​കീ​പ്പ​ർ ഷി​ബി​ൻ രാ​ജി​ന്റെ പി​ഴ​വ് പെ​നാ​ൽ​റ്റി ചോ​ദി​ച്ചു​വാ​ങ്ങി.

നാം​ധാ​രി​യു​ടെ ബ്ര​സീ​ലി​യ​ൻ താ​രം ഡി ​ഗോ​ൾ എ​ടു​ത്ത കി​ക്ക് വ​ല​തു​ള​ച്ച​തോ​ടെ ലീ​ഡ് 2-0 ആ​യി. പി​ന്നീ​ട​ങ്ങോ​ട്ടും നാം​ധാ​രി ത​ന്നെ ക​ളം​വാ​ണു. ഗോ​കു​ലം മു​ന്നേ​റ്റ​ത്തി​ലെ സെ​ർ​ജി​യോ​ക്കും ചാ​വേ​സി​നും ല​ഭി​ച്ച അ​വ​സ​ര​ങ്ങ​ൾ ഗോ​ളാ​ക്കാ​നാ​യ​തു​മി​ല്ല. ​ആ​ദ്യ പ​കു​തി അ​വ​സാ​നി​ക്കാ​നി​രി​ക്കെ സി​നി​സ ര​ണ്ട് സു​വ​ർ​ണാ​വ​സ​ര​ങ്ങ​ൾ ക​ള​ഞ്ഞു​കു​ളി​ച്ചു. 45ാം മി​നി​റ്റി​ൽ ഉ​റു​ഗ്വാ​യ് താ​രം ചാ​വേ​സി​ന് മി​ക​ച്ച ഒ​ര​വ​സ​രം കൂ​ടി കൈ​വ​ന്ന​തും പാ​ഴാ​യി.

ര​ണ്ടാ പാ​തി​യി​ൽ പ്ര​തി​രോ​ധ​ത്തി​ലൂ​ന്നി ക​ളി​ച്ച നാം​ധാ​രി ഗോ​കു​ലം മു​ന്നേ​റ്റ​ങ്ങ​ൾ​ക്ക് വി​ല​ങ്ങു​വെ​ക്കു​ന്ന​തി​ൽ ജാ​ഗ്ര​ത കാ​ട്ടി. എ​തി​ർ ഗോ​ൾ കീ​പ്പ​ർ ജ​സ്പ്രീ​ത് സി​ങ്ങി​ന്റെ സേ​വു​ക​ളും ഗോ​കു​ല​ത്തി​ന്റെ പ്ര​തീ​ക്ഷ​ക​ൾ ത​ക​ർ​ത്തു. ഒ​മ്പ​തു ക​ളി​യി​ൽ മൂ​ന്നു ജ​യ​വും നാ​ലു സ​മ​നി​ല​യും ര​ണ്ടു തോ​ൽ​വി​യു​മാ​യി 13 പോ​യ​ന്റാ​ണ് ഗോ​കു​ല​ത്തി​ന്-​പോ​യി​ന്റ് നി​ല​യി​ൽ നാ​ലാ​മ​ത്. ഒ​മ്പ​തു മ​ത്സ​ര​ത്തി​ൽ അ​ഞ്ചു ജ​യ​വും ര​ണ്ടു സ​മ​നി​ല​യും ര​ണ്ടു തോ​ൽ​വി​യു​മാ​യി 17 പോ​യ​ന്റാ​ണ് പ​ഞ്ചാ​ബി​ൽ​നി​ന്നു​ള്ള നാം​ധാ​രി​ക്ക്. അ​വ​രാ​ണ് ര​ണ്ടാം സ്ഥാ​ന​ത്ത്. ച​ർ​ച്ചി​ൽ ബ്ര​ദേ​ഴ്സ് ഒ​ന്നാ​മ​തു​ണ്ട്.