സംസ്ഥാന മാസ്റ്റേഴ്സ് അത്ലറ്റിക്സ് ചാമ്പ്യൻഷിപ്പിൽ കിരീടം നേടിയ എറണാകുളം ടീം
തേഞ്ഞിപ്പലം: കേരള അത്ലറ്റിക്സ് അസോസിയേഷൻ നടത്തിയ പ്രഥമ സംസ്ഥാന മാസ്റ്റേഴ്സ് അത്ലറ്റിക്സ് ചാമ്പ്യൻഷിപ്പിൽ എറണാകുളത്തിന് കിരീടം. കാലിക്കറ്റ് സർവകലാശാല സ്റ്റേഡിയത്തിലെ മത്സരങ്ങളിൽ 368 പോയന്റ് നേടിയാണ് എറണാകുളം ഒന്നാമതെത്തിയത്.
39 സ്വർണവും 47 വെള്ളിയും 21 വെങ്കലവും എറണാകുളം സ്വന്തമാക്കി. 43 സ്വർണവും 28 വെള്ളിയും 16 വെങ്കലവുമായി 325 പോയന്റ് നേടി കണ്ണൂർ ജില്ലയാണ് രണ്ടാം സ്ഥാനത്ത്. 24 സ്വർണവും 22 വെള്ളിയും 16 വെങ്കലവുമായി 222 പോയന്റ് നേടി തൃശൂർ മൂന്നാം സ്ഥാനവും കരസ്ഥമാക്കി.
173 പോയന്റ് നേടി പാലക്കാടും 120 പോയന്റ് നേടി വയനാടും യഥാക്രമം നാലും അഞ്ചും സ്ഥാനങ്ങൾ കരസ്ഥമാക്കി. കാലിക്കറ്റ് സര്‍വകലാശാല കായികവിഭാഗം മേധാവി ഡോ. വി.പി. സക്കീര്‍ ഹുസൈന്‍ ട്രോഫികള്‍ സമ്മാനിച്ചു. കേരള അത്‌ലറ്റിക് അസോസിയേഷന്‍ സെക്രട്ടറി വി.ഐ. ബാബു, വൈസ് പ്രസിഡന്റ് വി.കെ തങ്കച്ചന്‍, ട്രഷറര്‍ എം. രാമചന്ദ്രന്‍, സെക്രട്ടറിമാരായ കെ. രവീന്ദ്രന്‍, കെ. രാമചന്ദ്രന്‍, പി.ജെ. ജയമോന്‍ എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.