അണ്ടർ-20 ലോക അത്​ലറ്റിക്​സ്​ ചാമ്പ്യൻഷിപ്​: ഷൈ​ലി​ക്കും ഖ​ത്രി​ക്കും വെ​ള്ളി

നൈ​റോ​ബി: അ​ണ്ട​ർ-20 ലോ​ക അ​ത്​​ല​റ്റി​ക്​​സ്​ ചാ​മ്പ്യ​ൻ​ഷി​പ്പി​ൽ ഇ​ന്ത്യ​ക്ക്​ ര​ണ്ടു വെ​ള്ളി. പെ​ൺ​കു​ട്ടി​ക​ളു​ടെ ലോ​ങ്​ ജം​പി​ൽ ഷൈ​ലി സി​ങ്ങും ആ​ൺ​കു​ട്ടി​ക​ളു​ടെ 10 കി.​മീ. ന​ട​ത്ത​ത്തി​ൽ അ​മി​ത്​ ഖ​ത്രി​യു​മാ​ണ്​ വെ​ള്ളി നേ​ടി​യ​ത്. ഇ​തോ​ടെ മൂ​ന്നു മെ​ഡ​ലു​മാ​യി ഇ​ന്ത്യ 21ാം സ്ഥാ​ന​ത്തെ​ത്തി. നേ​ര​ത്തേ 4x400 മീ. ​മി​ക്​​സ​ഡ്​ റി​ലേ​യി​ൽ ഇ​ന്ത്യ വെ​ങ്ക​ലം ക​ര​സ്ഥ​മാ​ക്കി​യി​രു​ന്നു. പെ​ൺ​കു​ട്ടി​ക​ളു​ടെ 4x400 മീ. ​റി​ലേ​യി​ൽ നാ​ലാ​മ​താ​യ ഇ​ന്ത്യ​ക്ക്​ നേ​രി​യ വ്യ​ത്യാ​സ​ത്തി​ന്​ മെ​ഡ​ൽ ന​ഷ്​​ട​മാ​വു​ക​യും ചെ​യ്​​തു. മി​ക​ച്ച പ്ര​ക​ട​നം കാ​ഴ്​​ച​വെ​ച്ച ഷൈ​ലി​ക്ക്​ ഒ​രു സെൻറി മീ​റ്റ​ർ വ്യ​ത്യാ​സ​ത്തി​ലാ​ണ്​ സ്വ​ർ​ണം ന​ഷ്​​ട​മാ​യ​ത്.

17കാ​രി​യാ​യ ഷൈ​ലി 6.59 മീ​റ്റ​റു​മാ​യി ക​രി​യ​റി​ലെ മി​ക​ച്ച പ്ര​ക​ട​നം പു​റ​ത്തെ​ടു​ത്ത​പ്പോ​ൾ 6.60 മീ​റ്റ​ർ ചാ​ടി​യ സ്വീ​ഡ​െൻറ മ​ജ അ​സ്​​കാ​ഗാ​ണ്​ സ്വ​ർ​ണം നേ​ടി​യ​ത്. ട്രി​പ്​​ൾ ജം​പി​ലും അ​സ്​​കാ​ഗി​നാ​യി​രു​ന്നു സ്വ​ർ​ണം.

അ​ഞ്​​ജു ബോ​ബി ജോ​ർ​ജി​െൻറ ബം​ഗ​ളൂ​രു​വി​ലെ അ​ക്കാ​ദ​മി​യി​ലെ താ​ര​വും ബോ​ബി ജോ​ർ​ജി​െൻറ ശി​ഷ്യ​യു​മാ​ണ്​ ഝാ​ൻ​സി​ക്കാ​രി​യാ​യ ഷൈ​ലി. യോ​ഗ്യ​ത റൗ​ണ്ടി​ൽ ഏ​റ്റ​വും മി​ക​ച്ച ദൂ​ര​വു​മാ​യാ​ണ്​ ഫൈ​ന​ലി​ൽ ക​ട​ന്നി​രു​ന്ന​ത്. 6.48 മീ​റ്റ​റാ​യി​രു​ന്നു ഷൈ​ലി​യു​ടെ മു​മ്പ​ത്തെ മി​ക​ച്ച ദൂ​രം.

42:17.94 ​മി. ​സ​മ​യ​ത്തി​ൽ 10 കി.​മീ. ദൂ​രം പി​ന്നി​ട്ടാ​ണ്​ ഖ​ത്ര വെ​ള്ളി സ്വ​ന്ത​മാ​ക്കി​യ​ത്. കെ​നി​യ​യു​ടെ ഹെ​റി​സ്​​റ്റോ​ൺ വ​ൻ​യോ​മി​ക്കാ​ണ് (42:10.84)​ സ്വ​ർ​ണം.