'അമ്പയർക്ക്​ സാമാന്യബുദ്ധി വേണമായിരുന്നു'; കോഹ്​ലിയുടെ ഔട്ടിൽ വിവാദം തീരുന്നില്ല -വിഡിയോ

ന്യൂസിലാൻഡിനെതിരായ രണ്ടാം ടെസ്റ്റിൽ ഇന്ത്യൻ ക്യാപ്​റ്റൻ വിരാട്​ കോഹ്​ലിയുടെ വിവാദ വിക്കറ്റാണ്​ ഇപ്പോൾ ക്രിക്കറ്റ്​ ലോകത്തെ ചർച്ച. മുംബൈയിലെ വാങ്കഡെ സ്റ്റേഡിയത്തിൽ നടക്കുന്ന ഇന്ത്യ-ന്യൂസിലൻഡ് രണ്ടാം ടെസ്റ്റിന്റെ ഒന്നാം ദിനത്തിലാണ്​ സംഭവം.

30ാം ഓവറിൽ അജാസ്​ പ​േട്ടലിന്‍റെ പന്തിൽ ​കോഹ്​ലി എൽ.ബി.ഡബ്ല്യു ആയതോടെയാണ്​ സംഭവങ്ങളുടെ തുടക്കം. പന്ത്​ കാലിൽ തട്ടിയതോടെ ന്യൂസിലാൻഡ്​ താരങ്ങൾ ഉച്ചത്തിൽ അപ്പീൽ ചെയ്​തു. ഉടൻ തന്നെ ഓൺഫീൽഡ്​ അമ്പയർ അനിൽ ചൗധരി കൈവിരൽ ഉയർത്തി.

എന്നാൽ, കാലിൽ തട്ടുന്നതിന മുമ്പ്​ ബാറ്റിൽ പന്ത്​ ഉരസിയെന്ന്​ ഉറപ്പുള്ള കോഹ്​ലി റിവ്യൂ നൽകി. ഏറെ സമയമെടുത്ത ശേഷം, പന്ത് ആദ്യം ബാറ്റിൽ തട്ടിയെന്നതിന് വ്യക്തമായ തെളിവുകളില്ലെന്ന് കാണിച്ച്​ മൂന്നാം അമ്പയർ വീരേന്ദർ ശർമ വിക്കറ്റാണെന്ന്​ ഉറപ്പിച്ചു. ഇതോടെ സംപൂജ്യനായി കോഹ്​ലി മടങ്ങി. ഫീൽഡ്​ അമ്പയറോട്​ ഒരക്ഷരം മിണ്ടാതെ മടങ്ങിയ താരം, തന്‍റെ ദേഷ്യം ബൗണ്ടറി​ ലൈനിലടിച്ച്​ തീർത്തു.

നിരവധി റീപ്ലേകൾക്ക് ശേഷം, ഓൺ-ഫീൽഡ് അമ്പയറുടെ തീരുമാനത്തെ മറികടക്കാൻ മതിയായ തെളിവുകൾ തന്‍റെ പക്കൽ ഇല്ലെന്ന നിഗമനത്തിലെത്തുകയായിരുന്നു തേർഡ്​ അമ്പയർ. പന്ത്​ ബാറ്റിലും പാഡിലും ഒരുമിച്ചാണ്​ തട്ടി​യതെന്ന നിഗമനത്തിൽ എത്തിയതിന്‍റെ അടിസ്​ഥാനത്തിലാണ്​ ഔട്ട്​ വിളിച്ചത്​. തീരുമാനം കോഹ്‌ലിയെയും ഇന്ത്യൻ ആരാധകരെയും ഒരുപോലെ നിരാശരാക്കി.

തേർഡ്​ അമ്പയർക്കെതിരെ മുൻ ഇന്ത്യൻ താരങ്ങളടക്കം രംഗത്തെത്തി. 'നോട്ട്​ഔട്ട്​ എന്ന തീരുമാനമാണ്​ വ​രേണ്ടിയിരുന്നത്​. ന്യൂസിലാൻഡ് സെഷനിൽ ഗംഭീര തിരിച്ചുവരവ് നടത്തി. വിരാടിന്‍റെ വിക്കറ്റ്​ അവർക്ക്​ ഏറെ പ്രയോജനപ്പെട്ടു' -മുൻ ഇന്ത്യൻ താരം പാർത്ഥീവ് പട്ടേൽ ട്വീറ്റ് ചെയ്തു.

'അവ്യക്തമായ തെളിവുകൾ തീരുമാനത്തിന്‍റെ ഗുണനിലവാരത്തെ മറയ്ക്കരുത്. ഇവിടെ ഒരു ബാറ്റ്​സ്​മാനെയും റിവ്യൂവുമാണ്​ ഇന്ത്യക്ക്​ നഷ്​ടപ്പെട്ടത്​. ഇരട്ട പ്രഹരമാണിത്​' -മുൻ ഇന്ത്യൻ ഓപ്പണർ ആകാശ് ചോപ്ര പറഞ്ഞു.

'എന്‍റെ അഭിപ്രായത്തിൽ ആദ്യം ബാറ്റിലാണ്​ പന്ത്​ തട്ടിയത്​. അമ്പയറുടെ 'നിർണ്ണായക തെളിവ്' എന്ന തീരുമാനം ഞാൻ മനസ്സിലാക്കുന്നു. പക്ഷേ, സാമാന്യബുദ്ധി ജയിക്കേണ്ട ഒരു സന്ദർഭമാണിത്​. എന്നാൽ, സാമാന്യബുദ്ധി അത്ര സാധാരണമല്ല' -മുൻ ഓപ്പണർ വസീം ജാഫർ ട്വീറ്റ് ചെയ്തു.

'അതെ, മോശം തീരുമാനം കളിയുടെ ഭാഗമാണ്. എന്നാൽ, കോഹ്‌ലിക്കെതിരായ തീരുമാനം വലിയ പ്രഹരമാണ്' -മുൻ പേസർ ആർ.പി സിങ്​ കുറിച്ചു.

ആ​ദ്യ​ദി​നം സ്​​​റ്റം​പെ​ടു​ക്കു​​​മ്പോ​ൾ ഇ​ന്ത്യ നാ​ലു വി​ക്ക​റ്റി​ന്​ 221 എ​ന്ന നി​ല​യി​ലാ​ണ്. മി​ക​ച്ച തു​ട​ക്ക​ത്തി​നു​ശേ​ഷം പൊ​ടു​ന്ന​നെ തു​ട​രെ വി​ക്ക​റ്റു​ക​ൾ ന​ഷ്​​ട​മാ​യി സ​മ്മ​ർ​ദ​ത്തി​ലാ​യ ഇ​ന്ത്യ​യെ ക​ര​ക​യ​റ്റി​യ​ത്​ മാ​യ​ങ്ക്​ അഗർവാളാണ്​. ടോ​സ്​ നേ​ടി ബാ​റ്റി​ങ്​ തി​ര​ഞ്ഞെ​ടു​ത്ത ക്യാ​പ്​​റ്റ​ൻ വി​രാ​ട്​ കോ​ഹ്​​ലി​യു​ടെ തീ​രു​മാ​നം ശ​രി​വെ​ക്കു​ന്ന ക​ളി​യാ​ണ്​ മാ​യ​ങ്കും (പുറത്താകാതെ 120) ശു​ഭ്​​മാ​ൻ ഗി​ല്ലും (44) കാ​ഴ്​​ച​വെ​ച്ച​ത്. ആ​ദ്യ വി​ക്ക​റ്റി​ൽ ഇ​രു​വ​രും 80 റ​ൺ​സ്​ ​ചേ​ർ​ത്ത​പ്പോ​ൾ ഇ​ന്ത്യ​യു​ടെ അ​ടി​ത്ത​റ മി​ക​ച്ച​താ​യി. എ​ന്നാ​ൽ, അ​പ​ക​ടം വ​രാ​നി​രി​ക്കു​ന്ന​തേ​യു​ണ്ടാ​യി​രു​ന്നു​ള്ളൂ.

ഇ​ടം​കൈ​യ​ൻ സ്​​പി​ന്ന​ർ അ​ജാ​സ്​ പ​​ട്ടേ​ൽ ര​ണ്ട്​ ഓ​വ​റി​നി​ടെ മൂ​ന്നു വി​ക്ക​റ്റ്​ വീ​ഴ്​​ത്തി​യ​പ്പോ​ൾ ഇ​ന്ത്യ മൂ​ന്നി​ന്​ 80 എ​ന്ന നി​ല​യി​ലാ​യി. ഗി​ല്ലി​നെ സ്ലി​പ്പി​ൽ റോ​സ്​ ടെ​യ്​​ല​റു​ടെ കൈ​യി​ലെ​ത്തി​ച്ച പ​​ട്ടേ​ൽ ചേ​തേ​ശ്വ​ർ പു​ജാ​ര​യെ​യും കോ​ഹ്​​ലി​യെ​യും പൂ​ജ്യ​രാ​ക്കി മ​ട​ക്കി. പു​ജാ​ര ക്ലീ​ൻ​ബൗ​ൾ​ഡാ​യ​പ്പോ​ൾ കോ​ഹ്​​ലി വി​ക്ക​റ്റി​നു​ മു​ന്നി​ൽ കു​ടു​ങ്ങി.

ഇ​തോ​ടെ പ​ക​ച്ചു​പോ​യ ഇ​ന്ത്യ​യെ പ​ക്ഷേ മാ​യ​ങ്ക്​ ഒ​റ്റ​ക്ക്​ ചു​മ​ലി​ലേ​റ്റി. ആ​ദ്യ ടെ​സ്​​റ്റി​ലെ ഹീ​റോ അ​യ്യ​രെ​യും (18) സാ​ഹ​യെ​യും കൂ​ട്ടു​പി​ടി​ച്ചാ​യി​രു​ന്നു മാ​യ​ങ്കി​െൻറ ര​ക്ഷാ​പ്ര​വ​ർ​ത്ത​നം. ഇ​ട​ക്ക്​ അ​യ്യ​രെ​യും പ​​ട്ടേ​ൽ പു​റ​ത്താ​ക്കി​യെ​ങ്കി​ലും അ​ഭേ​ദ്യ​മാ​യ അ​ഞ്ചാം വി​ക്ക​റ്റി​ൽ 61 റ​ൺ​സ്​ കൂ​ട്ടു​കെ​ട്ടു​യ​ർ​ത്തി മാ​യ​ങ്കും സാ​ഹ​യും ടീ​മി​നെ കാ​ത്തു.