മുംബൈ: ഏകദിന ക്യാപ്റ്റൻ സ്ഥാനത്ത് നിന്ന് മാറ്റുന്ന വിവരം തന്നെ മുൻകൂട്ടി അറിയിച്ചിരുന്നില്ലെന്ന് വിരാട് കോഹ്ലി. ടീം പ്രഖ്യാപനത്തിന് ഒരു മണിക്കൂർ മുമ്പാണ് ഇക്കാര്യം അറിയിച്ചത്. ദക്ഷിണാഫ്രിക്കക്കെതിരായ മൂന്ന് ഏകദിന മത്സരങ്ങളുടെ പരമ്പരയിൽ കളിക്കുമെന്നും കോഹ്ലി പറഞ്ഞു.
ഐ.സി.സി ടൂർണമെന്റുകൾ ജയിക്കാത്തതിനാലാവാം തന്നെ ക്യാപ്റ്റൻ സ്ഥാനത്ത് നിന്ന് മാറ്റിയത്. രോഹിതുമായി പ്രശ്നങ്ങളൊന്നും തന്നെയില്ല. ഇക്കാര്യം താൻ നേരത്തെ തന്നെ വ്യക്തമാക്കിയതാണ്. രോഹിത് വളരെ കാര്യക്ഷമതയുള്ള ക്യാപ്റ്റനാണെന്നും കോഹ്ലി പറഞ്ഞു.
ദക്ഷിണാഫ്രിക്കയിൽ ഏത് വെല്ലുവിളിയും നേരിടാൻ തയാറാണ്. ദക്ഷിണാഫ്രിക്കയിൽ ഇതുവരെ ടെസ്റ്റ് സീരിസ് വിജയിച്ചിട്ടില്ല. വിജയത്തിനായി പരമാവധി ശ്രമിക്കുമെന്നും കോഹ്ലി പറഞ്ഞു. വിരാട് കോഹ്ലി-രോഹിത് ശർമ്മ പോരിൽ പരോക്ഷ മറുപടിയുമായി കായിക മന്ത്രി അനുരാഗ് ഠാക്കൂറും രംഗത്തെത്തിയിരുന്നു. ആരും സ്പോർട്സിന് മുകളിലല്ലെന്നും കായികമന്ത്രി പറഞ്ഞിരുന്നു. ഈ വിഷയത്തെ കുറിച്ച് കൂടുതൽ വിവരങ്ങൾ ഇതുമായി ബന്ധപ്പെട്ട കായിക സംഘടന നൽകുമെന്നും അനുരാഗ് ഠാക്കൂർ വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.