കൊളംബോ: മലയാളിതാരം സഞ്ജു സാംസൺ ഉൾപ്പടെ അഞ്ച് പുതുമുഖ താരങ്ങളെ ഉൾപ്പെടുത്തി ശ്രീലങ്കക്കെതിരായ മൂന്നാം ഏകദിനത്തിനുള്ള ടീമിനെ പ്രഖ്യാപിച്ച് ഇന്ത്യ. സഞ്ജു സാംസണ് പുറമേ നിധീഷ് റാണ, രാഹുൽ ചഹർ, ചേതൻ സക്കരിയ, കൃഷ്ണപ്പ ഗൗതം എന്നിവരും ഇന്ന് ആദ്യമായി ഏകദിന ക്രിക്കറ്റിൽ അരങ്ങേറ്റം കുറിക്കും.
ശ്രീലങ്കക്കെതിരായ ഏകദിന പരമ്പരയിൽ ആദ്യത്തെ രണ്ട് മത്സരവും ഇന്ത്യ ജയിച്ചിരുന്നു. പരിക്കിനെ തുടർന്നാണ് സഞ്ജു സാംസണെ ആദ്യത്തെ രണ്ട് മത്സരങ്ങളിൽ നിന്നും ഒഴിവാക്കിയത്. ശിഖർ ധവാന്റെ നായകത്വത്തിൽ രാഹുൽ ദ്രാവിഡ് പരിശീലിപ്പിക്കുന്ന ഇന്ത്യയുടെ യൂത്ത് ടീമാണ് ശ്രീലങ്കക്കെതിരായ പരമ്പരയിൽ കളിക്കുന്നത്.
വിരാട് കോഹ്ലിയുടെ നേതൃത്വത്തിലുള്ള ഇന്ത്യയുടെ ഒന്നാംനിര താരങ്ങളുടെ ടീം ഇംഗ്ലണ്ട് പര്യടനത്തിലാണ്. ശ്രീലങ്കയിലേക്ക് രണ്ടാംനിര ടീമിനെ അയച്ച ഇന്ത്യയുടെ നടപടിക്കെതിരെ വിമർശനവുമായി ശ്രീലങ്കൻ ഇതിഹാസതാരം അർജുന രണതുംഗ രംഗത്തെത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.