ശ്രീനഗർ: ഇന്ത്യൻ ക്രിക്കറ്റ് ടീം ജഴ്സിയണിഞ്ഞ ആദ്യ ജമ്മു- കശ്മീരുകാരൻ പർവേസ് റസൂൽ വിരമിച്ചു. ദേശീയ ടീമിനായി രണ്ട് മത്സരങ്ങൾ മാത്രമാണ് ഓൾ റൗണ്ടറായ 36കാരൻ കളിച്ചത്.
2014ൽ ബംഗ്ലാദേശിനെതിരെ മിർപുരിൽ നടന്ന ഏകദിനത്തിലും 2017ൽ ഇംഗ്ലണ്ടിനെതിരെ കാൺപുരിൽ അരങ്ങേറിയ ട്വന്റി20 മത്സരത്തിലും ഇറങ്ങി. രഞ്ജി ട്രോഫിയിൽ ജമ്മു-കശ്മീരിനെ പ്രതിനിധീകരിച്ച പർവേസ് 17 വർഷത്തെ ഫസ്റ്റ് ക്ലാസ് കരിയറിൽ 352 വിക്കറ്റും 5,648 റൺസും സ്വന്തമാക്കി.
ഇന്ത്യൻ പ്രീമിയർ ലീഗ് കളിച്ച ആദ്യ കശ്മീരിയുമാണ്. 2013ൽ പുണെ വാരിയേഴ്സ്, 2014-15ൽ സൺ റൈസേഴ്സ് ഹൈദരാബാദ്, 2016ൽ റോയൽ ചാലഞ്ചേഴ്സ് ബംഗളൂരു ടീമുകളിലുണ്ടായിരുന്നു വലംകൈയൻ ബാറ്ററും സ്പിന്നറുമായ താരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.