ദുബൈ: ചരിത്രത്തിലാദ്യമായി ക്രിക്കറ്റിന്റെ മൂന്ന് ഫോർമാറ്റിലും ഒന്നാമതെത്തിയെന്ന പ്രഖ്യാപനത്തോടെ ആഘോഷം തുടങ്ങിയ ഇന്ത്യൻ ആരാധകരെയും ബി.സി.സി.ഐയെയും നിരാശയിലാഴ്ത്തി റാങ്കിങ് തിരുത്തി അന്താരാഷ്ട്ര ക്രിക്കറ്റ് കൗൺസിൽ. ഉച്ചക്ക് രണ്ടരയോടെയാണ് ഐ.സി.സി വെബ്സൈറ്റിൽ ടെസ്റ്റ് റാങ്കിങ്ങിലും ഇന്ത്യയെ ഒന്നാമന്മാരായി കാണിച്ചത്. ട്വന്റി20യിലും ഏകദിനത്തിലും ഇതിനകം മുന്നിലുള്ള ടീമിന്റെ ചരിത്രനേട്ടം വലിയ വാർത്തയായി. ബി.സി.സി.ഐ സെക്രട്ടറി ജയ്ഷാ ഉൾപ്പെടെ ആഘോഷത്തിൽ പങ്കുചേർന്ന് ട്വീറ്റ് ചെയ്തു. എന്നാൽ, രാത്രി ഏഴിന് അബദ്ധം തിരുത്തി. മുമ്പത്തെപ്പോലെ ആസ്ട്രേലിയ ഒന്നാമതും ഇന്ത്യ രണ്ടാമതുമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.