നാലാം ടെസ്റ്റിന്​ ബുംറയില്ല; എല്ലാം വിശദീകരിച്ച്​​ കോഹ്​ലി

ബംഗളൂരു: അഹ്​മദാബാദിലെ മൊ​േട്ടര സ്​റ്റേഡിയത്തിൽ ഒന്നര ദിവസം കൊണ്ട്​ എല്ലാം അവസാനിപ്പിച്ച്​ മൂന്നാം ടെസ്റ്റിൽ ചരിത്ര ജയവുമായി മടങ്ങിയ ഇന്ത്യ അടുത്ത ടെസ്റ്റിന്​ ഒരുങ്ങു​േമ്പാൾ ആദ്യമേ അവധി ചോദിച്ച്​ പേസർ ജസ്​പ്രീത്​ ബുംറ. ഫാസ്റ്റ്​ ബൗളർമാരെ തുണക്കുന്ന പിങ്ക്​ ബോളായിട്ടും വേണ്ടെന്നുവെച്ച്​ വീട്ടിലിരിക്കാൻ ബുംറയെ പ്രേരിപ്പിച്ചതെന്താകുമെന്നാണ്​ സമൂഹ മാധ്യമങ്ങളിൽ പറന്നുനടക്കുന്ന ചോദ്യം. അതിലേറെ കൗതുകമായത്​ ഇതേ കുറിച്ച ചോദ്യങ്ങൾക്ക്​ നായകൻ വിരാട്​ കോഹ്​ലിയുടെ മറുപടി.

മൂന്നാം ടെസ്റ്റിന്‍റെ രണ്ടാം ഇന്നിങ്​സിൽ ഒരു പന്തു പോലും എറിയാതെ പുറത്തിരുന്നിട്ടും സ്​പിന്നർമാർ ഇംഗ്ലണ്ടിനെ കറക്കി വീഴ്​ത്തിയത്​ ബുംറക്ക്​ തത്​കാലം അവധിയെടുക്കാൻ അവസരമായെന്നാണ്​ പൊതുവായ സംസാരം. കളി തീർന്നുപോയ രണ്ടു ദിവസങ്ങളിലായി 19 വിക്കറ്റുകളാണ്​ ഇന്ത്യൻ സ്​പിന്നർമാർ വീഴ്​ത്തിയത്​. അക്​സർ പ​േട്ടൽ ആറും രവി അശ്വിൻ മൂന്നും വിക്കറ്റ്​ പിഴുതപ്പോൾ മൂന്നു പന്ത്​ മാത്രമെറിഞ്ഞ വാഷിങ്​ടൺ സുന്ദർ ഒരു വിക്കറ്റുമായി തന്‍റെ പങ്കും വഹിച്ചു. സ്​പിൻ മാജിക്​ അക്ഷരാർഥത്തിൽ പുലർന്ന രണ്ടാം ഇന്നിങ്​സിൽ അതുകൊണ്ടുതന്നെ ബുംറ ഒന്നിനും വേണ്ടിവന്നില്ല. രണ്ട്​ ഇന്നിങ്​സിലുമായി ഒരു വിക്കറ്റും കിട്ടിയുമില്ല.

അതിനു പിന്നാലെയാണ്​ വ്യക്​തിഗത ആവശ്യം പറഞ്ഞ്​ താരം ബി.സി.സി.ഐയെ സമീപിച്ചത്​. ബുംറയില്ലാതെ തന്നെ എല്ലാം സാധ്യമാകുമെന്ന ഉറപ്പിൽ ബോർഡ്​ അത്​ അംഗീകരിക്കുകയും ചെയ്​തു. മൂന്നു ടെസ്റ്റിൽ രണ്ടും ജയിച്ച്​ മുന്നിലുള്ള ഇന്ത്യക്ക്​ നാലാം ടെസ്റ്റിലെ പ്രകടനം തുണച്ചാൽ ലോക ടെസ്റ്റ്​ ചാമ്പ്യൻഷിപ്പ്​ കലാശപ്പോരിൽ ന്യൂസിലാൻഡിനെതിരെ കളിക്കാം.

ബുംറയുടെ വിട്ടുനൽകലിനെ ​കുറിച്ച്​ മാധ്യമ പ്രവർത്തകരുടെ ചോദ്യത്തിന്​ കോഹ്​ലി പറഞ്ഞ മറുപടിയാണ്​ ശ്രദ്ധേയമാത്​: ''ഈ കളി കളിക്കു​േമ്പാഴാണ്​ ജോലി ഭാരം എങ്ങനെ കൈകാര്യം ചെയ്യാമെന്ന്​ മനസ്സിലാക്കിയതെന്ന്​ ബുംറ പറയുന്നു. നൂറാം കളിയായിട്ടും ഒരു പന്തു പോലും കിട്ടിയില്ലെന്ന്​ ഇഷിയുടെ വാക്കുകൾ. മൂന്നു പന്തെങ്കിലും കിട്ടിയ സന്തോഷത്തിലാണ്​ വാഷിങ്​ടൺ സുന്ദർ. അവനു പക്ഷേ, ബാറ്റു കിട്ടിയുമില്ല- പാവം. വിചിത്രമായ മത്സരം. എല്ലാം ഇത്ര പെ​ട്ടെന്ന്​ അവസാനിച്ച ഒരു കളി ഇതുവരെ കളിച്ചിട്ടില്ല''.