കൊൽക്കത്തക്ക് പഞ്ചാബിന്റെ വെല്ലുവിളി

മൊ​ഹാ​ലി: പ​ഞ്ചാ​ബ് കി​ങ്സും കൊ​ൽ​ക്ക​ത്ത ​നൈ​റ്റ്റൈ​ഡേ​ഴ്സും ഐ.​പി.​എ​ല്ലി​ന്റെ പു​തി​യ സീ​സ​ൺ തു​ട​ങ്ങു​ന്ന​ത് സ​മാ​ന​ദുഃ​ഖി​ത​രാ​യാ​ണ്. പ​രി​ക്കും വി​ദേ​ശ താ​ര​ങ്ങ​ൾ എ​ത്താ​ത്ത​തു​മാ​ണ് ഇ​രു​കൂ​ട്ട​ർ​ക്കും പ്ര​ധാ​ന പ്ര​ശ്നം. ര​ണ്ട് വ​ട്ടം കി​രീ​ടം നേ​ടി​യ കൊ​ൽ​ക്ക​ത്ത ക​ഴി​ഞ്ഞ വ​ർ​ഷം ഏ​ഴാം സ്ഥാ​ന​ത്താ​യി​രു​ന്നു. കി​രീ​ടം കി​ട്ടാ​ക്ക​നി​യാ​യ പ​ഞ്ചാ​ബ് ആ​റാ​മ​തും. പു​തി​യ നാ​യ​ക​ൻ​മാ​രു​ടെ കീ​ഴി​ലാ​ണ് ഇ​രു ടീ​മു​ക​ളും.

വെ​റ്റ​റ​ൻ താ​രം ശി​ഖ​ർ ധ​വാ​നാ​ണ് പ​ഞ്ചാ​ബ് ക്യാ​പ്റ്റ​ൻ. പ​രി​ക്കേ​റ്റ ശ്രേ​യ​സ് അ​യ്യ​ർ​ക്ക് പ​ക​രം നി​തീ​ഷ് റാ​ണ​ക്കാ​ണ് കൊ​ൽ​ക്ക​ത്ത​യെ ന​യി​ക്കാ​നു​ള്ള അ​വ​സ​രം ​കൈ​വ​ന്ന​ത്. അ​ൽ​പം ക​രു​ത്ത് കൂ​ടു​ത​ലു​ള്ള പ​ഞ്ചാ​ബി​ന് ഇം​ഗ്ലീ​ഷ് താ​രം ജോ​ണി ബ​യ​ർ​സ്റ്റോ​യു​ടെ അ​ഭാ​വം തി​രി​ച്ച​ടി​യാ​ണ്. പ​രി​ക്ക് ഭേ​ദ​മാ​കാ​ത്ത​തി​നാ​ൽ ബെ​യ​ർ​സ്റ്റോ​ക്ക് ഐ.​പി.​എ​ൽ ക​ളി​ക്കാ​നാ​കി​ല്ല. ബി​ഗ് ബാ​ഷ് ലീ​ഗി​ൽ ടൂ​ർ​ണ​മെ​ന്റി​ലെ താ​ര​മാ​യി​രു​ന്ന മാ​റ്റ് ഷോ​ട്ട് ഓ​പ​ണി​ങ്ങി​ൽ ശി​ഖ​ർ ധ​വാ​ന് കൂ​ട്ടാ​കും.

പ​രി​ക്കാ​യ​തി​നാ​ൽ ഓ​ൾ​റൗ​ണ്ട​ർ ഇം​ഗ്ലീ​ഷ് താ​രം ലി​യാം ലി​വി​ങ്സ്റ്റോ​ണും ദേ​ശീ​യ ടീ​മി​നൊ​പ്പ​മാ​യ​തി​നാ​ൽ ദ​ക്ഷി​ണാ​ഫ്രി​ക്ക​യു​​ടെ കാ​ഗി​സോ റ​ബാ​ദ​യും ടീ​മി​നൊ​പ്പം ചേ​ർ​ന്നി​ട്ടി​ല്ല. സാം ​ക​ര​ൺ, സി​ക്ക​ന്ദ​ർ റാ​സ എ​ന്നി​വ​രും ടീ​മി​ലു​ണ്ട്. റ​ബാ​ദ​യു​​ടെ അ​ഭാ​വ​ത്തി​ൽ അ​ർ​ഷ്ദീ​പ് സി​ങ്ങി​ന് ബൗ​ളി​ങ്ങി​ൽ ഉ​ത്ത​ര​വാ​ദി​ത്ത​മേ​റും.

കൊ​ൽ​ക്ക​ത്ത​യു​ടെ ബം​ഗ്ലാ​ദേ​ശ് താ​ര​ങ്ങ​ളാ​യ ലി​റ്റ​ൺ ദാ​സും ഷ​ക്കീ​ബു​ൽ ഹ​സ​നും ​ദേ​ശീ​യ ടീ​മി​ന്റെ മ​ത്സ​ര​ങ്ങ​ൾ ക​ഴി​ഞ്ഞ ശേ​ഷ​മേ ടീ​മി​ൽ ചേ​രൂ. ആ​​ന്ദ്രെ റ​സ​ൽ, സു​നി​ൽ ന​ര​യ്ൻ, ടിം ​സൗ​ത്തീ, ഉ​മേ​ഷ് യാ​ദ​വ്, ഷാ​ർ​ദു​ൽ ഠാ​ക്കൂ​ർ എ​ന്നി​വ​രും കൊ​ൽ​ക്ക​ത്ത ​നൈ​റ്റ്റൈ​ഡേ​ഴ്സി​ന്റെ ​പ്ര​മു​ഖ താ​ര​ങ്ങ​ളാ​ണ്.