ദുബൈ: ഇംഗ്ലണ്ടിനെതിരായ പരമ്പരയിൽ തുടർച്ചയായ അർധ സെഞ്ച്വറികളുമായി ടീമിന്‍റെ പ്രകടനങ്ങളിൽ നിർണായക സാന്നിധ്യമായി മാറിയ വിരാട് കോഹ്ലിക്ക് ഏറ്റവുമൊടുവിലെ ട്വന്റി20 രാജ്യാന്തര റാങ്കിങ്ങിൽ കുതിപ്പ്. 47 റേറ്റിങ് പോയിന്‍റുകൾ കയറി അഞ്ചാമതെത്തി. പരമ്പരയിലെ രണ്ട്, മൂന്ന് ട്വന്റി20കളിൽ 73, 77 റൺസുകളായിരുന്നു താരത്തിന്‍റെ സമ്പാദ്യം. അതേ സമയം, മൂന്നാം കളിയിൽ ടീമിനെ വിജയിപ്പിച്ച 83 റൺസുമായി വിക്കറ്റ് കീപർ ബാറ്റ്സ്മാൻ ജോസ് ബട്ലർ വീണ്ടും ആദ്യ 20ലെത്തി.
ഇന്ത്യൻ നിരയിൽ വാഷിങ്ടൺ സുന്ദർ രണ്ട് സ്ഥാനം ഉയർന്ന് 11ാമതെത്തി. ശ്രേയസ് അയ്യർ 31ാമനായി. റിഷഭ് പന്ത് 30 സ്ഥാനമുയർന്ന് 80ാമനുമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.