ഡൽഹി: ലോക്ഡൗൺമൂലം കുടുങ്ങിയ മലയാളികെള സൗജന്യമായി നാട്ടിലെത്തിക്കാൻ രാജസ്ഥാനിൽനിന്ന് കേരളത്തിലേക്ക് പ്രത്യേക ട്രെയിൻ ഏർപ്പെടുത്താമെന്ന് രാജസ്ഥാൻ സർക്കാർ. പഞ്ചാബിെൻറ കാര്യത്തിലെന്ന പോലെ രാജസ്ഥാനും സന്നദ്ധത അറിയിച്ചതായി എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ പറഞ്ഞു. രാജസ്ഥാനിലും പഞ്ചാബിലുമായി പലയിടങ്ങളിൽ കുടുങ്ങിപ്പോയ മലയാളികളെ നാട്ടിലെത്തിക്കാൻ നടപടി സ്വീകരിക്കണമെന്ന് ആവശ്യപ്പെട്ട് രാജസ്ഥാൻ മുഖ്യമന്ത്രി അശോക് ഗെഹ്‌ലോട്ടുമായും, പഞ്ചാബ് മുഖ്യമന്ത്രി അമരീന്ദർ സിങ്ങുമായും കെ.സി വേണുഗോപാൽ നേരത്തേ ചർച്ച നടത്തിയിരുന്നു.
രാജസ്ഥാനിൽനിന്നുള്ള ട്രെയിൻ ജയ്‌പൂർ, ചിറ്റോർഗഡ് എന്നിവിടങ്ങളിൽനിന്നുള്ള യാത്രക്കാരുമായി കോഴിക്കോട്, എറണാകുളം, തിരുവനന്തപുരം എന്നിവിടങ്ങളിൽ എത്താനാണ് ലക്ഷ്യമിടുന്നത്. പഞ്ചാബിൽനിന്നുള്ള ട്രെയിൻ ജലന്ധറിൽനിന്നാരംഭിച്ച് പാലക്കാട്, എറണാകുളം, തിരുവനന്തപുരം എന്നിവിടങ്ങളിലും യാത്രക്കാരെ എത്തിക്കും.
1450 യാത്രക്കാരെ വഹിക്കാവുന്ന ഈ ട്രെയിനുകളിൽ യാത്ര സൗജന്യമായിരിക്കും. നടപടി പൂർത്തിയായാൽ മേയ് 19, 20 തീയതികളിലായിരിക്കും യാത്ര.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.