വെ​ള്ള​മി​റ​ങ്ങു​മ്പോ​ൾ നി​ങ്ങ​ൾ ചെ​യ്യേ​ണ്ട​ത്... 

മ​ഴ​യു​ടെ ശ​ക്തി​കു​റ​ഞ്ഞ​തോ​ടെ വെ​ള്ളം പ​തു​ക്കെ ഇ​റ​ങ്ങി​ത്തു​ട​ങ്ങു​ക​യാ​ണ്. ശനിയാഴ്​ച വൈ​കീ​ട്ടോ​ടെ ആ​ലു​വ തൊ​ട്ടു പ​റ​വൂ​ർ വ​രെ വെ​ള്ള​പ്പൊ​ക്ക​ത്തി​ൽ ന​ല്ല മാ​റ്റം ഉ​ണ്ടാ​യി. മ​റ്റു ചെ​റു​പു​ഴ​ക​ളു​ടെ കാ​ര്യ​ത്തി​ൽ ഇ​നിയും കു​റ​വു​ണ്ടാ​വാ​നാ​ണ്​ സാ​ധ്യ​ത.

വെ​ള്ളം ശ​രി​ക്കി​റ​ങ്ങി​യി​ട്ടു​ണ്ടെ​ന്നും ഇ​നി ഉ​ട​ൻ  വെ​ള്ള​പ്പൊ​ക്ക​ത്തി​ന്​ സാ​ധ്യ​ത​യി​ല്ല  എ​ന്നു​റ​പ്പു വ​രു​ത്തി​യ​തി​നു​ശേ​ഷം വീ​ട്ടി​ലേ​ക്ക് പോ​വു​ക എ​ന്ന​താ​ണ് ഏ​റ്റ​വും ശ​രി​യാ​യ കാ​ര്യം. പ​ക്ഷേ, കൂ​ടു​ത​ൽ പേ​രും ആ ​ഉ​പ​ദേ​ശം സ്വീ​ക​രി​ക്കാ​ൻ വ​ഴി​യി​ല്ല. വെ​ള്ള​മി​റ​ങ്ങു​ന്ന​തോ​ടെ ഉ​പേ​ക്ഷി​ച്ചു​പോ​ന്ന വീ​ട്ടി​ലേ​ക്ക് തി​രി​ച്ചെ​ത്താ​നു​ള്ള തി​ര​ക്കാ​യി​രി​ക്കും എ​ല്ലാ​വ​ർ​ക്കും. ഇ​തി​ന് പ​ല കാ​ര​ണ​ങ്ങ​ളു​ണ്ട്​:

ക്യാ​മ്പി​ലോ ബ​ന്ധു​വീ​ട്ടി​ലോ എ​ന്തി​ന്, റി​സോ​ർ​ട്ടി​ൽ ത​ന്നെ ആ​ണ് താ​മ​സ​മെ​ങ്കി​ലും അ​ത് സ്വ​ന്തം വീ​ട്ടി​ലെ​പോ​ലെ ആ​വി​ല്ല. ഉ​പേ​ക്ഷി​ച്ചു​പോ​ന്ന വീ​ടി​നോ വ​സ്തു​വ​ക​ക​ൾ​ക്കോ നാ​ശ​ന​ഷ്​​ടം ഉ​ണ്ടാ​യി​ട്ടു​ണ്ടോ എ​ന്ന പേ​ടി എ​ല്ലാ​വ​ർ​ക്കും ഉ​ണ്ടാ​കാം. വീ​ട്ടി​ൽ ക​ള്ള​ന്മാ​രോ മ​റ്റോ ക​യ​റി​യി​ട്ടു​ണ്ടോ എ​ന്ന പേ​ടി​യു​മു​ണ്ടാ​വും.ന​മ്മ​ൾ എ​ത്ര നി​ർ​ബ​ന്ധി​ച്ചാ​ലും ആ​ളു​ക​ൾ വേ​ഗ​ത്തി​ൽ വീ​ട്ടി​ലേ​ക്ക് മ​ട​ങ്ങും. ഇ​ക്കാ​ര്യ​ത്തി​ൽ കു​റ​ച്ചു പ്രാ​യോ​ഗി​ക നി​ർ​ദേ​ശ​ങ്ങ​ൾ:

• ഒ​റ്റ​ക്ക് വീ​ട്ടി​ലേ​ക്ക് മ​ട​ങ്ങ​രു​ത്. മു​തി​ർ​ന്ന​വ​ർ ര​ണ്ടോ അ​തി​ല​ധി​ക​മോ പേ​ർ ഒ​രു​മി​ച്ചു പോ​ക​ണം. എ​ന്തെ​ങ്കി​ലും കു​ഴ​പ്പം ഉ​ണ്ടാ​യാ​ൽ പ​ര​സ്പ​രം സ​ഹാ​യി​ക്കാ​ൻ പ​റ്റു​മ​ല്ലോ (സ്വ​ന്തം വീ​ടി​​​െൻറ നാ​ശം ക​ണ്ട് ഹൃ​ദ​യ​സ്തം​ഭ​നം വ​രെ ഉ​ണ്ടാ​കു​ന്ന​വ​രു​ണ്ട്). 
• ആ​ദ്യ​മാ​യി വീ​ട്ടി​ലേ​ക്ക് തി​രി​ച്ചു​പോ​കു​മ്പോ​ൾ കു​ട്ടി​ക​ളെ മാ​റ്റി​നി​ർ​ത്തു​ക. അ​വി​ടെ കാ​ണാ​ൻ പോ​കു​ന്ന​തെ​െ​ന്ത​ന്നോ, എ​ന്തൊ​ക്കെ അ​പ​ക​ട​ങ്ങ​ൾ ഉ​ണ്ടെ​ന്നോ പ​റ​യാ​ൻ പ​റ്റി​ല്ല, കു​ട്ടി​ക​ൾ​ക്ക് അ​പ​ക​ടം ഉ​ണ്ടാ​യി​ല്ലെ​ങ്കി​ലും മാ​ന​സി​ക ആ​ഘാ​തം ഉ​ണ്ടാ​കും. അ​ത്​ ഒ​ഴി​വാ​ക്ക​ണം.
• ഒ​രു കാ​ര​ണ​വ​ശാ​ലും രാ​ത്രി​യി​ൽ വീ​ട്ടി​ലേ​ക്ക് ചെ​ല്ല​രു​ത്. വീ​ടി​ന​ക​ത്ത്  വി​ഷ​മു​ള്ള ഇ​ഴ​ജ​ന്തു​ക്ക​ൾ മു​ത​ൽ ഗ്യാ​സ് ലീ​ക്ക് വ​രെ ഉ​ണ്ടാ​കും. രാ​ത്രി ക​യ​റി​ച്ചെ​ല്ലു​ന്ന​ത് കൂ​ടു​ത​ൽ അ​പ​ക​ടം വി​ളി​ച്ചു​വ​രു​ത്തും.
• വീ​ട്ടി​ലേ​ക്കു​ള്ള വ​ഴി​യി​ലും വീ​ടി​​​െൻറ മു​റ്റ​ത്തു​മെ​ല്ലാം ഒ​ര​ടി​യോ​ളം ക​ന​ത്തി​ൽ ച​ളി ആ​യി​രി​ക്കാ​നാ​ണ് സാ​ധ്യ​ത. ഗേ​റ്റ് ഉ​ണ്ടെ​ങ്കി​ൽ തു​റ​ക്കാ​ൻ പ്ര​യാ​സ​പ്പെ​ടും.
• മ​തി​ലി​​​െൻറ നി​ർ​മാ​ണം മി​ക്ക​വാ​റും ന​ല്ല ബ​ല​ത്തി​ലാ​യി​രി​ക്ക​ണ​മെ​ന്നി​ല്ല. അ​തു​കൊ​ണ്ടു​ത​ന്നെ ഗേ​റ്റ് ശ​ക്ത​മാ​യി ത​ള്ളി​ത്തു​റ​ക്കു​ന്ന​ത് മ​തി​ലി​ടി​ഞ്ഞ് അ​പ​ക​ടം ഉ​ണ്ടാ​ക്കും. 
• റോ​ഡി​ലോ മു​റ്റ​ത്തോ ച​ളി​യി​ൽ തെ​ന്നി​വീ​ഴാ​തെ നോ​ക്ക​ണം. പ​റ്റു​മെ​ങ്കി​ൽ ച​ളി​യു​ടെ നി​ര​പ്പി​ന് മു​ക​ളി​ലു​ള്ള ചെ​രി​പ്പു​ക​ൾ ധ​രി​ക്ക​ണം. വ്യ​ക്തി സു​ര​ക്ഷ​ക്കു​വേ​ണ്ടി ഒ​രു മാ​സ്ക് ഉ​പ​യോ​ഗി​ക്ക​ണം, അ​ത് ല​ഭ്യ​മ​ല്ലെ​ങ്കി​ൽ ഒ​രു തോ​ർ​ത്ത് മൂ​ക്കി​ന് മു​ക​ളി​ലൂ​ടെ ചു​റ്റി​ക്കെ​ട്ട​ണം. കൈ​യി​ൽ ക​ട്ടി​യു​ള്ള കൈ​യു​റ​ക​ൾ ഉ​ണ്ടെ​ങ്കി​ൽ ന​ല്ല​ത്.
• ന​മ്മു​ടെ വീ​ടി​​​െൻറ ചു​റ്റും മ​നു​ഷ്യ​രു​ടെ​യോ മൃ​ഗ​ങ്ങ​ളു​ടെ​യോ മൃ​ത​ദേ​ഹം ഉ​ണ്ടാ​കാ​ൻ സാ​ധ്യ​ത​യു​ണ്ടെ​ന്ന് പ്ര​തീ​ക്ഷി​ക്കു​ക. അ​ങ്ങ​നെ ഉ​ണ്ടെ​ങ്കി​ൽ ഒ​രി​ക്ക​ലും അ​ത് കൈ​കൊ​ണ്ടു തൊ​ട​രു​ത്. മ​നു​ഷ്യ​രു​ടെ മൃ​ത​ദേ​ഹം ആ​ണെ​ങ്കി​ൽ പൊ​ലീ​സി​നെ അ​റി​യി​ക്ക​ണം.
• വീ​ടി​ന​ക​ത്ത് ക​യ​റു​ന്ന​തി​ന് മു​മ്പ്​  ഭി​ത്തി​യി​ൽ പ്ര​ള​യ​ജ​ലം എ​ത്ര​മാ​ത്രം എ​ത്തി​യി​രു​ന്നു എ​ന്ന​തി​​​െൻറ അ​ട​യാ​ളം കാ​ണും. അ​ത് കൂ​ടു​ത​ൽ വ്യ​ക്ത​മാ​യി ചോ​ക്കു​കൊ​ണ്ടോ പെ​യി​ൻ​റ്​ കൊ​ണ്ടോ മാ​ർ​ക്ക് ചെ​യ്യു​ക. ഒ​രു നൂ​റ്റാ​ണ്ടി​ൽ ഒ​രി​ക്ക​ൽ മാ​ത്രം ഉ​ണ്ടാ​കു​ന്ന വ​ൻ പ്ര​ള​യ​മാ​ണ് ഇ​പ്പോ​ൾ ഉ​ണ്ടാ​യ​ത്. 1924ൽ ​ഉ​ണ്ടാ​യ​തു​പോ​ലെ ഒ​ന്ന്. അ​ന്ന​ത്തെ പ്ര​ള​യം ആ​ളു​ക​ൾ രേ​ഖ​പ്പെ​ടു​ത്തി വെ​ക്കാ​ത്ത​തു​കൊ​ണ്ടാ​ണ് പ്ര​ള​യ സാ​ധ്യ​ത​യു​ള്ള പു​ഴ​ത്തീ​ര​ങ്ങ​ൾ ജ​ന​വാ​സ​കേ​ന്ദ്ര​മാ​യ​ത്. അ​ത്ത​രം ഒ​രു തെ​റ്റ് നാം ​ന​മ്മു​ടെ അ​ടു​ത്ത ത​ല​മു​റ​യോ​ട് കാ​ണി​ക്ക​രു​ത്.
• വീ​ടി​ന​ക​ത്തേ​ക്ക് ക​യ​റു​ന്ന​തി​ന് മു​മ്പ്​ വീ​ടി​​​െൻറ നാ​ലു ഭാ​ഗ​ത്തു​നി​ന്നും ധാ​രാ​ളം ചി​ത്ര​ങ്ങ​ൾ എ​ടു​ത്തു​വെ​ക്ക​ണം. വെ​ള്ളം എ​വി​ടെ എ​ത്തി എ​ന്ന മാ​ർ​ക്ക് ഉ​ൾ​െ​പ്പ​ടെ. വീ​ടി​​​െൻറ ചു​മ​രു​ക​ളും മേ​ൽ​ക്കൂ​ര​യും ശ​ക്ത​മാ​ണോ ന​ശി​ച്ചി​ട്ടു​ണ്ടോ എ​ന്ന് ശ്ര​ദ്ധി​ക്കു​ക.
• വീ​ടി​​​െൻറ ജ​നാ​ല​ക​ൾ പു​റ​ത്തു​നി​ന്ന് തു​റ​ക്കാ​ൻ പ​റ്റു​മെ​ങ്കി​ൽ അ​വ തു​റ​ന്നി​ട്ട് കു​റ​ച്ചു​സ​മ​യം ക​ഴി​ഞ്ഞു​വേ​ണം അ​ക​ത്ത് പ്ര​വേ​ശി​ക്കാ​ൻ. 
• വീ​ടി​ന​ക​ത്തും പു​റ​ത്തും ഇ​ഴ​ജ​ന്തു​ക്ക​ളെ പ്ര​തീ​ക്ഷി​ക്ക​ണം. ’99 ലെ ​വെ​ള്ള​പ്പൊ​ക്കം ക​ഴി​ഞ്ഞ​പ്പോ​ൾ പ​ത്താ​യ​ത്തി​ൽ നി​ന്നും വ​രാ​ലി​നെ കി​ട്ടി​യ ക​ഥ കേ​ട്ടി​ട്ടു​ണ്ട്. 
• വീ​ടി​ന​ക​ത്തേ​ക്ക് പ്ര​വേ​ശി​ക്കു​ന്ന​തി​ന് മു​മ്പ്​ വൈ​ദ്യു​തി മെ​യി​ൻ  സ്വി​ച്ച് ഓ​ഫ് ചെ​യ്യ​ണം.  പു​റ​ത്തു​നി​ന്ന്​  പൈ​പ്പ് വ​ഴി​യാ​ണ് ഗ്യാ​സ് വി​ത​ര​ണം  ചെ​യ്യു​ന്ന​തെ​ങ്കി​ൽ അ​ഥ​വാ ഗ്യാ​സി​​​െൻറ സി​ലി​ണ്ട​ർ വീ​ടി​ന് വെ​ളി​യി​ലാ​ണെ​ങ്കി​ൽ അ​ത് ഓ​ഫ് ചെ​യ്യ​ണം.
• വീ​ടി​​​െൻറ വാ​തി​ലി​​​െൻറ ഇ​രു​വ​ശ​വും ച​ളി ആ​യ​തി​നാ​ൽ തു​റ​ക്കു​ക ശ്ര​മ​ക​രം ആ​യി​രി​ക്കാ​നാ​ണ് സാ​ധ്യ​ത. ബ​ലം പ്ര​യോ​ഗി​ക്കേ​ണ്ടി​വ​രും. പ​ഴ​യ വീ​ടാ​ണെ​ങ്കി​ൽ അ​ത് ഭി​ത്തി​യെ​യോ മേ​ൽ​ക്കൂ​ര​യെ​യോ അ​സ്ഥി​ര​പ്പെ​ടു​ത്താ​ൻ വ​ഴി​യു​ണ്ട്, സൂ​ക്ഷി​ക്ക​ണം.
• വീ​ടി​ന​ക​ത്ത് ക​യ​റു​ന്ന​തി​ന് മു​മ്പ്​ ഏ​തെ​ങ്കി​ലും ത​ര​ത്തി​ലു​ള്ള വാ​ത​ക ചോ​ർ​ച്ച  (അ​സ്വാ​ഭാ​വി​ക ഗ​ന്ധം) തോ​ന്നി​യാ​ൽ വാ​തി​ൽ തു​റ​ന്ന് കു​റെ ക​ഴി​ഞ്ഞി​ട്ട് അ​ക​ത്ത് ക​യ​റി​യാ​ൽ മ​തി.
• ന​മ്മ​ൾ ഒ​രു​ക്കി​വെ​ച്ച  വീ​ടാ​യി​രി​ക്കി​ല്ല  അ​ക​ത്ത്​ കാ​ണാ​ൻ പോ​കു​ന്ന​ത്. വെ​ള്ള​ത്തി​ൽ വ​സ്തു​ക്ക​ൾ ഒ​ഴു​കി ന​ട​ക്കും, പ​ല​തും ഫാ​നി​​​െൻറ മു​ക​ളി​ലോ മ​റ്റോ ത​ങ്ങി​നി​ന്ന് ന​മ്മു​ടെ ത​ല​യി​ൽ വീ​ഴാ​നു​ള്ള സാ​ധ്യ​ത​യും മു​ന്നി​ൽ കാ​ണ​ണം.
• ഒ​രു കാ​ര​ണ​വ​ശാ​ലും വീ​ടി​ന​ക​ത്ത് ലൈ​റ്റ​ർ ഉ​പ​യോ​ഗി​ക്ക​രു​ത്, സി​ഗ​ര​റ്റോ മെ​ഴു​കു​തി​രി​യോ ക​ത്തി​ക്കു​ക​യും അ​രു​ത്.
• വീ​ടി​ന​ക​ത്തെ എ​ല്ലാ ഇ​ല​ക​്​​ട്രി​ക്ക​ൽ ഉ​പ​ക​ര​ണ​ങ്ങ​ളു​ടെ​യും പ്ല​ഗ് ഊ​രി​യി​ട​ണം.
• ഫ്രി​ഡ്ജി​ൽ ഇ​റ​ച്ചി​യോ മീ​നോ ഉ​ണ്ടാ​യി​രു​ന്നു​വെ​ങ്കി​ൽ അ​ത് കേ​ടാ​യി​ക്കാ​ണും, വ​ലി​യ ഫ്രീ​സ​ർ ആ​ണെ​ങ്കി​ൽ മ​ത്സ്യ​മാം​സാ​ദി​ക​ൾ അ​ഴു​കി മീ​ഥേ​ൻ ഗ്യാ​സ് ഉ​ണ്ടാ​കാ​ൻ വ​ഴി​യു​ണ്ട്. ഫ്രീ​സ​ർ തു​റ​ക്കു​മ്പോ​ൾ ഈ ​ഗ്യാ​സ് ശ​ക്ത​മാ​യി ഫ്രീ​സ​റി​​​െൻറ മൂ​ടി​യെ ത​ള്ളി​ത്തെ​റി​പ്പി​ച്ച സം​ഭ​വം ഉ​ണ്ടാ​യി​ട്ടു​ണ്ട്.
• വീ​ട്ടി​ൽ ന​ഷ്​​ടം​പ​റ്റി​യ ഓ​രോ വ​സ്തു​വി​​​െൻറ​യും ക​ണ​ക്കെ​ടു​ക്കു​ക, അ​തി​​​െൻറ ഫോ​ട്ടോ എ​ടു​ക്കു​ക. ഇ​വ ‘ഡാ​മേ​ജ് ആ​ൻ​ഡ് ലോ​സ് എ​സ്​​റ്റി​മേ​റ്റി’​ന് സ​ഹാ​യി​ക്കും. അ​തി​നെ​പ്പ​റ്റി പി​ന്നീ​ട് പ​റ​യാം.
• വീ​ട്ടി​ൽ ഫ്ല​ഷും വെ​ള്ള പൈ​പ്പും വ​ർ​ക്ക് ചെ​യ്യു​ന്നു​ണ്ടോ എ​ന്ന് പ​രി​ശോ​ധി​ക്കു​ക. ഉ​ണ്ടെ​ങ്കി​ൽ അ​തി​ലൂ​ടെ വ​രു​ന്ന​ത് ശു​ദ്ധ​ജ​ല​മാ​ണോ ക​ല​ക്ക വെ​ള്ള​മാ​ണോ എ​ന്ന് ശ്ര​ദ്ധി​ക്കു​ക.
• വീ​ടി​​​െൻറ അ​ക​ത്തു​ള്ള മി​ക്ക​വാ​റും വ​സ്തു​ക്ക​ൾ (ഫ​ർ​ണി​ച്ച​ർ, പു​സ്ത​ക​ങ്ങ​ൾ) എ​ല്ലാം ച​ളി​യി​ൽ മു​ങ്ങി​യി​രി​ക്കാ​നാ​ണ് സാ​ധ്യ​ത. ഇ​വ​യു​ടെ ചി​ത്രം എ​ടു​ത്തു​വെ​ക്ക​ണം. 
• വീ​ടി​​​െൻറ വാ​തി​ലും ജ​നാ​ല​യും വെ​യി​ലു​ള്ള സ​മ​യ​ത്ത് തു​റ​ന്നി​ടു​ക. ശു​ദ്ധ​മാ​യ വാ​യു പ്ര​വ​ഹി​ക്ക​ട്ടെ.

വീ​ടി​ന​ക​വും പു​റ​വും വൃ​ത്തി​യാ​ക്കു​ക എ​ന്ന​താ​ണ് അ​ടു​ത്ത കാ​ര്യം. പ​ക്ഷേ, അ​ക്കാ​ര്യം ചെ​യ്യു​ന്ന​തി​ന് മു​മ്പ്​ മ​ണ്ണ് ക​യ​റി നാ​ശ​മാ​ക്കി​യ വ​സ്തു​ക്ക​ൾ എ​ല്ലാം എ​വി​ടെ കൊ​ണ്ടു​പോ​യി ക​ള​യാം എ​ന്ന​തി​ൽ കു​റ​ച്ച് അ​റി​വു വേ​ണം. ഇ​ക്കാ​ര്യ​ത്തെ​പ്പ​റ്റി പു​തി​യ ല​ഘു​ലേ​ഖ ത​യാ​റാ​കു​ന്നു​ണ്ട്.

(​െഎക്യരാഷ്​ട്രസഭയുടെ ദുരന്ത നിവാരണ വിഭാഗം ഉദ്യോഗസ്​ഥനാണ്​ ലേഖകൻ)