ഇ​സ്രാ​യേ​ലി​ന്റെ ഖ​ത്ത​ർ ആ​ക്ര​മ​ണം: വി​ശ്വാ​സ്യ​ത ന​ഷ്ട​പ്പെ​ട്ട യു.​എ​സ്

കാ​മ്പ് ഡേ​വി​സ് ക​രാ​ർ ഒ​പ്പി​ട്ട ഈ​ജി​പ്തി​നു​ശേ​ഷം ഇ​സ്രാ​യേ​ലു​മാ​യി സ​മ്പ​ർ​ക്കം സ്ഥാ​പി​ച്ച ആ​ദ്യ അ​റ​ബ് രാ​ജ്യ​മാ​ണ് ഖ​ത്ത​ർ. എം​ബ​സി ത​ല​ത്തി​ൽ വി​ക​സി​ക്കു​ക​യു​ണ്ടാ​യി​ല്ലെ​ങ്കി​ലും 1996ൽ ​ഒ​പ്പി​ട്ട ഒ​രു ക​രാ​ർ പ്ര​കാ​രം ഖ​ത്ത​റി​ൽ ആ​ദ്യ​മാ​യി ഇ​സ്രാ​യേ​ൽ ഒ​രു ട്രേ​ഡ് സെ​ന്റ​ർ തു​റ​ക്കു​ക​യു​ണ്ടാ​യി. മ​റ്റു​ള്ള​വ​ർ മേ​ശ​ക്ക​ടി​യി​ലൂ​ടെ ന​ട​ത്തു​ന്ന​ത് ഞ​ങ്ങ​ൾ മേ​ശ​ക്ക് മു​ക​ളി​ലൂ​ടെ ചെ​യ്യു​ന്നെ​ന്നാ​യി​രു​ന്നു വി​മ​ർ​ശ​ക​ർ​ക്ക് അ​ന്ന​ത്തെ വി​ദേ​ശ​കാ​ര്യ​മ​ന്ത്രി ഹ​മ​ദ് ബി​ൻ ജാ​സിം ജ​ബ​ർ മ​റു​പ​ടി ന​ൽ​കി​യ​ത്.

ട്രേ​ഡ് സെ​ന്റ​റി​നാ​യി വാ​ട​ക​ക്ക് ഒ​രു കെ​ട്ടി​ടം സം​ഘ​ടി​പ്പി​ക്കാ​നാ​വാ​തെ ഉ​ഴ​ന്ന ഇ​സ്രാ​യേ​ൽ ഷെ​റാ​ട്ട​ൺ ഹോ​ട്ട​ലി​ലെ ഒ​രു മു​റി​യി​ലാ​ണ് അ​ത് ഓ​പ​റേ​റ്റ് ചെ​യ്തു​പോ​ന്ന​ത്. ഒ​ടു​വി​ൽ മേ​ൽ​വാ​ട​ക​ക്ക് കെ​ട്ടി​ടം ഒ​പ്പി​ച്ച​പ്പോ​ൾ കെ​ട്ടി​ട​മു​ട​മ ഇ​സ്രാ​യേ​ലി​നെ ഒ​ഴി​പ്പി​ക്കാ​നാ​യി ​കോ​ട​തി​യി​ൽ കേ​സ് ഫ​യ​ൽ ചെ​യ്തു. കെ​ട്ടി​ട​ത്തി​ന്റെ ഉ​ട​മ​ക്ക് അ​നു​കൂ​ല​മാ​യി കോ​ട​തി വി​ധി വ​ന്ന​ത് ഖ​ത്ത​ർ ജു​ഡീ​ഷ്യ​റി​യു​ടെ സ്വാ​ത​ന്ത്ര്യ​ത്തി​നും നി​ഷ്പ​ക്ഷ​ത​ക്കു​മു​ള്ള തെ​ളി​വാ​യി മാ​റി.

ആ ​ഖ​ത്ത​റി​നെ​യാ​ണ് സെ​പ്റ്റം​ബ​ർ ഒ​മ്പ​തി​ന് ഇ​സ്രാ​യേ​ൽ ക​ട​ന്നാ​ക്ര​മി​ച്ച​ത്; അ​തും അ​വ​രു​ടെ ബ​ന്ദി​ക​ളെ മോ​ചി​പ്പി​ക്കു​ന്ന​തി​നു​വേ​ണ്ടി ഹ​മാ​സു​മാ​യി ച​ർ​ച്ച ന​ട​ക്കു​മ്പോ​ൾ. അ​ൽ ഉ​ദൈ​ദി​ലു​ള്ള അ​മേ​രി​ക്ക​ൻ സൈ​നി​ക താ​വ​ള​വും ത​ങ്ങ​ൾ ആ​ക്ര​മി​ക്ക​പ്പെ​ടു​ന്ന​ത് ത​ട​യാ​ൻ ഒ​ന്നും ചെ​യ്തി​ല്ല. ഈ ​താ​വ​ളം അ​നു​വ​ദി​ച്ച കാ​ല​ത്തും ഖ​ത്ത​ർ ഏ​റെ വി​മ​ർ​ശ​ന​ങ്ങ​ൾ​ക്കി​ര​യാ​വേ​ണ്ടി വ​ന്നി​രു​ന്നു. അ​ന്ന് അ​ൽ​ജ​സീ​റ​ക്ക് വി​ശ​ദ​മാ​യ അ​ഭി​മു​ഖം ന​ൽ​കി​യ വി​ദേ​ശ​കാ​ര്യ മ​ന്ത്രി ഹ​മ​ദ് ബി​ൻ ജാ​സിം ജ​ബ​ർ പ്ര​തി​ക​രി​ച്ച​ത് താ​വ​ളം അ​നു​വ​ദി​ച്ച​ത് യു.​എ​സ് താ​ൽ​പ​ര്യ​ങ്ങ​ളെ​ക്കാ​ളു​പ​രി ഖ​ത്ത​റി​ന്റെ താ​ൽ​പ​ര്യ​ത്തി​നു​വേ​ണ്ടി​യാ​ണെ​ന്നും അ​തി​ന്റെ ചെ​ല​വ് വ​ഹി​ക്കു​ന്ന​ത് ത​ങ്ങ​ളാ​ണെ​ന്നു​മാ​യി​രു​ന്നു. എ​ന്നാ​ൽ, ഖ​ത്ത​ർ ചി​ല ഭീ​ഷ​ണി​ക​ൾ നേ​രി​ട്ട ഘ​ട്ട​ങ്ങ​ളി​ൽ ഉ​പ​കാ​ര​പ്പെ​ട്ട​ത് യു.​എ​സ് സേ​ന​യാ​യി​രു​ന്നി​ല്ല. ഖ​ത്ത​റി​ലി​റ​ങ്ങി​യ ഉ​ർ​ദു​ഗാ​ന്റെ തു​ർ​ക്കി​യ​പ്പ​ട​യാ​യി​രു​ന്നു.

യു.​എ​സ് സ്ട്രാ​റ്റ​ജി​യു​ടെ പ​ത​ന​ത്തു​ട​ക്കം

ഇ​സ്രാ​യേ​ലി​ന്റെ വി​ഫ​ല​മാ​യ ദോ​ഹ ആ​ക്ര​മ​ണം ഒ​രു തെ​മ്മാ​ടി​ച്ചെ​റു​ക്ക​ന്റെ കേ​വ​ല​മൊ​രു വി​കൃ​തി​യാ​യി മാ​ത്രം ത​ള്ളാ​വു​ന്ന സം​ഭ​വ​മ​ല്ല. സ്വ​യം ഒ​രു വ​ൻ​ശ​ക്തി​യാ​യി ക​രു​തു​ന്ന അ​മേ​രി​ക്ക​യു​ടെ പ​ശ്ചി​മേ​ഷ്യ​ൻ സാ​ന്നി​ധ്യ​ത്തി​നേ​റ്റ ആ​ഘാ​ത​വും രാ​ഷ്ട്രാ​ന്ത​രീ​യ ത​ല​ത്തി​ലെ അ​മേ​രി​ക്ക​ൻ സ്ട്രാ​റ്റ​ജി​യു​ടെ പ​ത​ന​ത്തി​ന്റെ ആ​രം​ഭ​വു​മാ​യാ​ണ് ന​യ​ത​ന്ത്ര നി​രീ​ക്ഷ​ക​ർ അ​തി​നെ​ക്കാ​ണു​ന്ന​ത്. സ​ഖ്യ​ക​ക്ഷി​​ക​ളെ സം​ര​ക്ഷി​ക്കാ​ൻ ക​ഴി​വു​ള്ള​വ​രാ​ണ് ത​ങ്ങ​ളെ​ന്ന അ​മേ​രി​ക്ക​ൻ അ​വ​കാ​ശ​വാ​ദ​മാ​ണ് ദോ​ഹ​യി​ൽ ​പൊ​ളി​ഞ്ഞു​വീ​ണ​ത്.

അ​മേ​രി​ക്ക​ൻ ആ​യു​ധ സം​ഭ​ര​ണി​യു​ടെ ഏ​റ്റ​വും മാ​ര​ക​മാ​യ ആ​യു​ധ​മെ​ന്ന് വി​ശേ​ഷി​പ്പി​ക്കാ​വു​ന്ന അ​തി​ന്റെ വി​ശ്വാ​സ്യ​ത​ക്ക് പ​ശ്ചി​മേ​ഷ്യ​ൻ രാ​ഷ്ട്രീ​യ ക​മ്പോ​ള​ത്തി​ൽ ഇ​തോ​ടെ, വി​ല​യി​ടി​ഞ്ഞി​രി​ക്കു​ക​യാ​ണ്. യു.​എ​ൻ ര​ക്ഷാ​സ​മി​തി​യി​ൽ ഇ​സ്രാ​യേ​ലി​നെ അ​പ​ല​പി​ക്കു​ന്ന (ശി​ക്ഷി​ക്കു​ന്ന​ത​ല്ല) പ്ര​മേ​യ​ത്തെ ച​രി​ത്ര​ത്തി​ലാ​ദ്യ​മാ​യി വീ​റ്റോ ചെ​യ്യാ​തി​രി​ക്കാ​ൻ അ​മേ​രി​ക്ക നി​ർ​ബ​ന്ധി​ത​മാ​യ​തും അ​തി​ന്റെ തെ​ളി​വാ​ണ്. അ​ക്കാ​ര്യ​ത്തി​ൽ ഗ​ൾ​ഫി​ലെ കൊ​ച്ചു​രാ​ജ്യ​മാ​യ ഖ​ത്ത​റി​ന് ഉ​ള്ളാ​ലെ ചി​രി​ക്കാം. അ​ൽ​പം സ​മ​യം വി​ല​കൊ​ടു​ത്ത് വാ​ങ്ങാ​ൻ സാ​ധി​ച്ചേ​ക്കാ​മെ​ങ്കി​ലും ഏ​റ്റ​വും വി​ല​പി​ടി​ച്ച ന​യ​ത​ന്ത്ര സ്വാ​ധീ​ന​വും രാ​ഷ്ട്ര​ങ്ങ​ളു​ടെ വി​ശ്വാ​സ്യ​ത​യും വീ​ണ്ടെ​ടു​ക്കാ​ൻ ട്രം​പി​ന്റെ അ​മേ​രി​ക്ക​ക്ക് ന​ന്നാ​യി വി​യ​ർ​ക്കേ​ണ്ടി​വ​രും.

മ​ദീ​ന മു​ത​ൽ യൂ​ഫ്ര​ട്ടീ​സ് വ​രെ​യു​ള്ള ‘വി​ശാ​ല ഇ​സ്രാ​യേ​ൽ’ പ​ദ്ധ​തി​യെ​ക്കു​റി​ച്ച് ഇ​പ്പോ​ഴും ഇ​സ്രാ​യേ​ലി​ന്റെ അ​ക​ത്തു​നി​ന്ന് ഉ​ദീ​ര​ണ​ങ്ങ​ൾ പു​റ​ത്തു​വ​രു​മ്പോ​ൾ എ​ബ്ര​ഹാം അ​​ക്കോ​ഡി​ന്റെ ശി​ൽ​പി​ക​ളും ഒ​രു പു​ന​ർ​വി​ചി​ന്ത​ന​ത്തി​ന് നി​ർ​ബ​ന്ധി​ത​രാ​കു​മെ​ന്നു വേ​ണം ക​രു​താ​ൻ.

നാ​റ്റോ​വി​ന്റെ ഭാ​വി

അ​മേ​രി​ക്ക​ൻ ന​യ​ത​ന്ത്ര​ത്തി​ന്റെ ഈ ​വേ​ലി​യി​റ​ക്കം പ​ശ്ചി​മേ​ഷ്യ​ൻ തീ​ര​ത്ത് പ​രി​മി​ത​മാ​യി​ക്കൊ​ള്ള​ണ​മെ​ന്നി​ല്ല. ര​ണ്ടാം ലോ​ക​യു​ദ്ധം മു​ത​ൽ യു.​എ​സു​മാ​യി ഏ​റ്റ​വു​മ​ധി​കം ഒ​ട്ടി​പ്പി​ടി​ച്ചു​നി​ൽ​ക്കു​ന്ന സ​ഖ്യ​ക​ക്ഷി​ക​ളാ​ണ് യൂ​റോ​പ്യ​ൻ രാ​ജ്യ​ങ്ങ​ൾ. അ​തി​ന്റെ വേ​ദി​യാ​ണ് നാ​റ്റോ സ​ഖ്യം. ഇ​ട​ക്കാ​ല​ത്ത് ഈ ​സ​ഖ്യ​ത്തി​ന​ക​ത്ത് വി​ള്ള​ലു​ക​ളു​ണ്ടാ​ക്കു​ന്ന സം​ഭ​വ​ങ്ങ​ൾ അ​ര​ങ്ങേ​റു​ക​യു​ണ്ടാ​യി. യു​ക്രെ​യ്ൻ യു​ദ്ധം, റ​ഷ്യ​യു​മാ​യു​ള്ള സ​മീ​പ​ന രീ​തി​യെ​ച്ചൊ​ല്ലി​യും യൂ​റോ​പ്യ​ൻ സു​ര​ക്ഷ​യു​ടെ ഭാ​വി​യെ​ച്ചൊ​ല്ലി​യു​മു​ള്ള ആ​ശ​ങ്ക​ക​ൾ​ക്ക് ആ​ക്കം കൂ​ട്ടി​യി​ട്ടു​ണ്ട്. ഇ​സ്രാ​യേ​ലി​ന്റെ ദോ​ഹ ആ​ക്ര​മ​ണ​ത്തി​ലെ യു.​എ​സ് ‘നി​സ്സ​ഹാ​യ​ത’ യൂ​റോ​പ്യ​ൻ സം​ശ​യ​ത്തി​ന് ബ​ലം വ​ർ​ധി​പ്പി​ക്കും. ഗ​ൾ​ഫി​ലെ ഉ​റ്റ സ​ഖ്യ​രാ​ഷ്ട്ര​ങ്ങ​ളെ സം​ര​ക്ഷി​ക്കു​ന്ന​തി​ൽ പ​രാ​ജ​യ​പ്പെ​ട്ട വാ​ഷി​ങ്ട​ൺ താ​വ​ള​ങ്ങ​ളെ എ​ങ്ങ​നെ ക​ണ്ണ​ട​ച്ചു​വി​ശ്വ​സി​ക്കു​മെ​ന്ന ചോ​ദ്യം ഈ ​രാ​ജ്യ​ങ്ങ​ളി​ലും ഉ​യ​രും. യു.​എ​സ് ഹെ​ജി​മ​ണി​യി​ൽ നി​ന്ന​ക​ന്ന് സ്വ​ത​ന്ത്ര സ്ട്രാ​റ്റ​ജി​യി​ലേ​ക്ക് വ​ഴി​മാ​റാ​ൻ പു​തി​യ സം​ഭ​വ​വി​കാ​സ​ങ്ങ​ൾ യൂ​റോ​പ്യ​ൻ​മാ​രെ പ്രേ​രി​പ്പി​ച്ചേ​ക്കാം.

മു​ത​ലെ​ടു​പ്പി​ന് ചൈ​ന

അ​റ​ബ് രാ​ജ്യ​ങ്ങ​ളി​ലേ​ക്ക്, വി​ശി​ഷ്യാ ഗ​ൾ​ഫ് രാ​ജ്യ​ങ്ങ​ളി​ലേ​ക്കു​ള്ള ചൈ​നീ​സ് വ്യാ​ളി​യു​ടെ ക​ട​ന്നു​ക​യ​റ്റ​മാ​യി​രി​ക്കും ഇ​തി​ന്റെ മ​റ്റൊ​രു അ​ന​ന്ത​ര​ഫ​ലം. സൗ​ദി എ​ണ്ണ വി​പ​ണി​യി​ലേ​ക്ക് ചൈ​ന ഈ​യി​ടെ ക​ട​ന്നു​വ​ന്ന​ത് ഓ​ർ​ക്കു​ക. പ​ര​മ്പ​രാ​ഗ​ത സ​ഖ്യ​രാ​ജ്യം എ​ന്ന മി​ഥ്യ​യു​ടെ ത​ട​വി​ൽ ക​ഴി​യാ​ൻ ഗ​ൾ​ഫി​ലെ ര​ണ്ടാം​ത​ല​മു​റ ഭ​ര​ണാ​ധി​കാ​രി​ക​ളു​ടെ ക​മ്പോ​ള​യു​ക്തി ഇ​നി​യും ഏ​റെ​ക്കാ​ലം അ​വ​രെ അ​നു​വ​ദി​ച്ചു​കൊ​ള്ള​ണ​മെ​ന്നി​ല്ല. അ​മേ​രി​ക്ക സൃ​ഷ്ടി​ക്കു​ന്ന ഈ ​ശൂ​ന്യ​ത നി​ക​ത്താ​ൻ ന​യ​ത​ന്ത്ര​വി​ട്ടു​വീ​ഴ്ച​ക്ക് ത​യാ​റാ​വു​ന്ന ചൈ​ന​യെ​യാ​ണ് സ​മീ​പ​കാ​ല​ത്ത് കാ​ണാ​ൻ സാ​ധി​ക്കു​ന്ന​ത്.

പാ​കി​സ്താ​നെ​യും അ​തി​ർ​ത്തി​യി​ലെ പു​ക​പ​ട​ല​ങ്ങ​ൾ വ​ക​ഞ്ഞു​മാ​റ്റി ഇ​ന്ത്യ​യെ​യും ഇ​ടം​വ​ലം നി​ർ​ത്താ​ൻ മാ​ത്രം ചൈ​ന ഇ​പ്പോ​ൾ ഉ​ദാ​ര​മ​ന​സ്ക​രാ​യി​ട്ടു​ണ്ട്. സു​ഡാ​നി​ൽ സൈ​നി​ക അ​രാ​ജ​ക​ത്വ​ത്തി​നു മു​മ്പ് ബ​ശീ​റി​ന്റെ കാ​ല​ത്ത് ചൈ​ന ധാ​രാ​ള​മാ​യി നി​ക്ഷേ​പ​മി​റ​ക്കി​യ​ത് ഓ​ർ​ക്കു​ക. തു​ർ​ക്കി​യ​യും അ​നു​ഭ​വി​ക്കു​ന്നു​ണ്ട് ഈ ​ചൈ​നീ​സ് ത​ലോ​ട​ൽ. കേ​ട്ടെ​ഴു​ത്ത് പ​റ​ഞ്ഞു​കൊ​ടു​ക്കു​ന്ന​തി​ന് പ​ക​രം പ​ര​സ്പ​ര താ​ൽ​പ​ര്യ​ങ്ങ​ളി​ല​ധി​ഷ്ഠി​ത​മാ​യ മു​ത​ൽ​മു​ട​ക്ക് ന​ട​ത്തി​യും രാ​ജ്യ​ങ്ങ​ളു​ടെ പ​ര​മാ​ധി​കാ​രം മാ​നി​ച്ചും കൊ​ണ്ടു​ള്ള പു​തി​യൊ​രു ലോ​ക​ശ​ക്തി​യാ​യി മാ​റാ​നാ​ണ് ഇ​പ്പോ​ൾ ചൈ​ന ശ്ര​മി​ക്കു​ന്ന​ത്. വാ​ഷി​ങ്ട​ണി​ന്റെ പ​ര​മ്പ​രാ​ഗ​ത സ​ഖ്യ​രാ​ഷ്ട്ര​ങ്ങ​ളെ ആ​ക​ർ​ഷി​ക്കു​ന്ന​തി​ൽ അ​വ​ർ വി​ജ​യി​ക്കു​ന്നു​മു​ണ്ട്. യു.​എ​സി​ന്റെ ത​ണ​ലി​ല​ല്ല, ബെ​യ്ജി​ങ് വ​ര​ക്കു​ന്ന ബ​ദ​ൽ ന​യ​​ത​ന്ത്ര ഭൂ​പ​ട​ത്തി​ലാ​ണ് ഭാ​വി​യെ​ന്ന് വി​ശ്വ​സി​ക്കാ​ൻ ചെ​റു​കി​ട രാ​ഷ്ട്ര​ങ്ങ​ളെ നി​ർ​ബ​ന്ധി​ക്കു​ന്ന​താ​ണ് രാ​ഷ്ട്രാ​ന്ത​രീ​യ കാ​ലാ​വ​സ്ഥ.

അ​മേ​രി​ക്ക​യെ ഏ​റ്റ​വും വി​ശ്വ​സ്ത സു​ഹൃ​ത്താ​യി പ​രി​ഗ​ണി​ച്ച ഗ​ൾ​ഫ് രാ​ഷ്ട്ര​ങ്ങ​ൾ​ക്ക് ല​ഭി​ച്ച ഒ​രു ഷോ​ക് ചി​കി​ത്സ​യാ​ണ് നെ​ത​ന്യാ​ഹു​വി​ന്റെ വി​ഫ​ല​മാ​യ ദോ​ഹ ആ​ക്ര​മ​ണം. ഇ​തി​നു മു​മ്പ് ഇ​റാ​ന്റെ ആ​ക്ര​മ​ണം ത​ട​യാ​നും ഖ​ത്ത​റി​ലെ അ​മേ​രി​ക്ക​ൻ താ​വ​ള​ങ്ങ​ൾ​ക്ക് സാ​ധി​ച്ചി​ട്ടി​ല്ല. അ​മേ​രി​ക്ക വാ​ഗ്ദാ​നം ചെ​യ്യു​ന്ന സു​ര​ക്ഷി​ത​ത്വ​ത്തി​ന് ഒ​രു ഗാ​ര​ന്റി​യു​മി​ല്ലെ​ന്ന് തു​ട​രെ​ത്തു​ട​രെ തെ​ളി​യി​ക്ക​പ്പെ​ടു​മ്പോ​ൾ ആ ​രാ​ജ്യ​വു​മാ​യു​ള്ള പ​ര​മ്പ​രാ​ഗ​ത സ​ഖ്യ​ത്തെ​ക്കു​റി​ച്ച് ഗൗ​ര​വ​പൂ​ർ​വം വി​ചി​ന്ത​നം ചെ​യ്യാ​ൻ ഈ ​രാ​ജ്യ​ങ്ങ​ൾ സ​ന്ന​ദ്ധ​രാ​വേ​ണ്ടി വ​രും. അ​ങ്ങ​നെ സം​ഭ​വി​ക്കു​ക​യാ​ണെ​ങ്കി​ൽ അ​ത് വ​ലി​യ പ​ല മാ​റ്റ​ങ്ങ​ൾ​ക്കും നി​മി​ത്ത​മാ​വു​ക​യും ചെ​യ്യും.