ഊ​രു​വി​ല​ക്ക്: യു​വാ​വ് ജീ​വ​നൊ​ടു​ക്കി; 17 പേ​ർ​ക്കെ​തി​രെ കേ​സ്

ബം​ഗ​ളൂ​രു: ഊ​രു​വി​ല​ക്ക​പ്പെ​ട്ട സു​ഹൃ​ത്തി​ന്റെ പ​ക്ഷം ചേ​ർ​ന്ന് ചോ​ദ്യം ചെ​യ്ത യു​വാ​വി​നും ഗ്രാ​മ​മു​ഖ്യ​ന്മാ​ർ ഊ​രു​വി​ല​ക്ക് ഏ​ർ​പ്പെ​ടു​ത്തി​യ​തോ​ടെ ജീ​വി​തം മു​ട്ടി​യ യു​വാ​വ് മ​നം​നൊ​ന്ത് ജീ​വ​നൊ​ടു​ക്കി. ചാ​മ​രാ​ജ​ന​ഗ​ർ ജി​ല്ല​യി​ൽ ഗു​ണ്ട​ൽ​പേ​ട്ട ടൗ​ണി​ന​ടു​ത്ത യാ​ദ​വ​ന​ഹ​ള്ളി ഗ്രാ​മ​ത്തി​ൽ കെ. ​ശി​വ​രാ​ജു​വാ​ണ് (45) വെ​ള്ളി​യാ​ഴ്ച രാ​ത്രി മ​രി​ച്ച​ത്.

സം​ഭ​വ​ത്തെ തു​ട​ർ​ന്ന് ശി​വ​രാ​ജു​വി​ന്റെ ബ​ന്ധു​ക്ക​ളും സു​ഹൃ​ത്തു​ക്ക​ളും ഏ​താ​നും നാ​ട്ടു​കാ​രും ശ​നി​യാ​ഴ്ച രാ​വി​ലെ മു​ത​ൽ ബെ​ഗു​ർ പൊ​ലീ​സ് സ്റ്റേ​ഷ​ന് മു​ന്നി​ൽ പ്ര​തി​ഷേ​ധി​ച്ചു. കു​റ്റ​ക്കാ​ർ​ക്ക് എ​തി​രെ ന​ട​പ​ടി ആ​വ​ശ്യ​പ്പെ​ട്ടാ​യി​രു​ന്നു പ്ര​തി​ഷേ​ധം. 17 പേ​ർ​ക്ക് എ​തി​രെ കേ​സ് എ​ടു​ത്ത​താ​യും വൈ​കാ​തെ അ​റ​സ്റ്റ് ഉ​ണ്ടാ​വു​മെ​ന്ന ഉ​റ​പ്പും പൊ​ലീ​സ് സ​മ​ര​ക്കാ​രെ അ​റി​യി​ച്ചു.

ഗ്രാ​മീ​ണ​നെ ചെ​രി​പ്പ് കൊ​ണ്ട് അ​ടി​ച്ചു എ​ന്ന​തി​ന് ശി​വ​ണ്ണ നാ​യ്ക് എ​ന്ന​യാ​ൾ​ക്ക് ഊ​രു​വി​ല​ക്ക് ഏ​ർ​പ്പെ​ടു​ത്തി​യി​രു​ന്നു. വേ​ണ്ട രീ​തി​യി​ൽ തെ​ളി​വു​ക​ൾ ശേ​ഖ​രി​ക്കാ​തെ​യും സാ​ഹ​ച​ര്യം മ​ന​സ്സി​ലാ​ക്കാ​തെ​യു​മാ​ണ് ഊ​രു​വി​ല​ക്ക് ക​ൽ​പി​ച്ച​തെ​ന്ന് സു​ഹൃ​ത്താ​യ ശി​വ​രാ​ജു പ​റ​ഞ്ഞു. ഇ​തി​ൽ ക്ഷു​ഭി​ത​രാ​യ ഗ്രാ​മ​മു​ഖ്യ​ന്മാ​ർ ഇ​യാ​ളെ​യും ഊ​രു​വി​ല​ക്കു​ക​യാ​യി​രു​ന്നു. 6000 രൂ​പ പി​ഴ​യും വി​ധി​ച്ചു.