പയ്യോളി: തിക്കോടി-പുറക്കാട് റോഡിൽ വെച്ചുണ്ടായ ബൈക്കപകടത്തിൽ യുവാവ് മരിച്ചു. തിക്കോടി ബീച്ചിലെ അയ്യിട്ടവളപ്പിൽ ബാബുവിന്റെ മകൻ സുധീഷ് (23) ആണ് മരണപ്പെട്ടത്. ഞാറാഴ്ച രാത്രി എട്ടോടെ തിക്കോടി പഞ്ചായത്ത് ബസാറിന് സമീപം പുറക്കാട് റോഡിൽ വെച്ച് നിയന്ത്രണംവിട്ട ബൈക്ക് സമീപത്തെ വൈദ്യുതി പോസ്റ്റിലും, ഓവുചാലിന്റെ ഭിത്തിയിലും ഇടിച്ച് മറിയുകയായിരുന്നു.
പരിക്കേറ്റ സുധീഷിനെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും തിങ്കളാഴ്ച ഉച്ചക്ക് രണ്ടോടെ മരണപ്പെടുകയായിരുന്നു. ടൊയോട്ട കമ്പനിയുടെ കാഞ്ഞങ്ങാട്ടെ ഓഫീസിൽ ജോലി ചെയ്ത സുധീഷ്, തിങ്കളാഴ്ച കമ്പനിയുടെ കോഴിക്കോട്ടെ ഷോറൂമിലേക്ക് മാറാൻ ഇരിക്കവെയാണ് അപകടത്തിൽപ്പെട്ടത്. മാതാവ്: പുഷ്പ. സഹോദരൻ: സുജേഷ്. സംസ് കാരം ചൊവ്വാഴ്ച വീട്ടുവളപ്പിൽ നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.