തൃപ്പൂണിത്തുറ: കാർ ഓട്ടോയിലിടിച്ച് ഓട്ടോ ഡ്രൈവർ മരിച്ചു. ഉദയംപേരൂർ പുന്നയ്ക്കവെളി കൊല്ലംപറമ്പിൽ ശ്രീകുമാർ (60) ആണ് മരിച്ചത്. അമിത വേഗതയിൽ തൃപ്പൂണിത്തുറ ഭാഗത്ത് നിന്നും വന്ന കാർ മുന്നിലുള്ള കാറിനെ മറികടക്കാൻ ശ്രമിക്കവേ എതിരേ വന്ന ഓട്ടോറിക്ഷയിലിടിക്കുകയായിരുന്നു. ചൊവ്വാഴ്ച വൈകിട്ട് 4.45 ഓടെ പുന്നയ്ക്കാവെളി പെട്രോൾ പമ്പിനടുത്താണ് അപകടം.
ഇടിയുടെ ആഘാതത്തത്തിൽ ഡ്രൈവറും യാത്രക്കാരനും മറിഞ്ഞ ഓട്ടോറിക്ഷക്കടിയിൽപ്പെടുകയായിരുന്നു. ഗുരുതരമായ പരുക്കേറ്റ ശ്രീകുമാറിനെ ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. യാത്രക്കാരൻ തെക്കൻ പറവൂർ സ്വദേശി വത്സൻ ജനറൽ ആശുപത്രിയിൽ ചികിത്സയിലാണ്. ശ്രീകുമാറിന്റെ മൃതദേഹം താലൂക്ക് ആശുപത്രി മോർച്ചറിയിൽ. ഭാര്യ : പുഷ്പ , മക്കൾ : ശ്രീഷ, ഗ്രീഷ്മ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.