ഇരിങ്ങാലക്കുട: ക്രിസ്മസ് ദിനത്തിൽ പിതാവിന് ഭക്ഷണവുമായി മകനോടൊപ്പം സ്കൂട്ടറിൽ പോയ വീട്ടമ്മ അപകടത്തിൽ മരിച്ചു. മകന് പരിക്കേറ്റു. താഴെക്കാട് കണ്ണിക്കര ചാതേലി ജോർജ് ഡിക്സെൻറ ഭാര്യ ദീപയാണ് (34) മരിച്ചത്. വെള്ളിയാഴ്ച ഉച്ചക്ക് ഒന്നിന് പുല്ലൂർ അണ്ടിക്കമ്പനി പരിസരത്തായിരുന്നു അപകടം. ഇവർ ഓടിച്ച സ്കൂട്ടറിൽ ബൈക്കും കാറും ഇടിച്ചായിരുന്നു അപകടമെന്ന് ബന്ധുക്കൾ പറഞ്ഞു.
ഗുരുതരമായി പരിക്കേറ്റ ദീപയെ പുല്ലൂരിലെയും തുടർന്ന് തൃശൂരിലെയും സ്വകാര്യ ആശുപത്രികളിൽ പ്രവേശിപ്പിച്ചെങ്കിലും വൈകീട്ട് ഏഴോടെ മരിച്ചു. സ്കൂട്ടറിൽ ഒപ്പം ഉണ്ടായിരുന്ന മകൻ ആറ് വയസ്സുകാരനായ ഡോൺ പരിക്കേറ്റ് തൃശൂരിലെ സ്വകാര്യ ആശുപത്രിയിൽ ചികിത്സയിലാണ്.
പുല്ലൂർ സ്കൂളിനടുത്ത് വൃന്ദാവൻ റോഡിൽ താമസിക്കുന്ന പിതാവ് ചുക്കിരിയാൻ വീട്ടിൽ അന്തോണിയുടെ വീട്ടിലേക്ക് ദീപയും മകനും ഭക്ഷണവുമായി പോകുന്നതിനിടയിലായിരുന്നു അപകടം. ഒരു വയസ്സുള്ള ഡിയോൺ രണ്ടാമത്തെ മകനാണ്. ഇരിങ്ങാലക്കുട പൊലീസ് തുടർനടപടികൾ സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.