ശാന്തപുരം (മലപ്പുറം): അന്ത൪ജനത്തിന് അറബി വഴങ്ങുമെന്ന് തെളിയിച്ച് ഗോപാലിക ടീച്ച൪ അധ്യാപനം തുടങ്ങിയിട്ട് 28 വ൪ഷം പിന്നിടുന്നു. ലോക അറബി ഭാഷാ ദിനാചരണ ഭാഗമായി ശാന്തപുരം അൽ ജാമിഅ അൽ ഇസ്ലാമിയ ‘ഫാക്കൽറ്റി ഓഫ് ലാംഗ്വേജ്’ സംഘടിപ്പിച്ച അന്താരാഷ്ട്ര അറബിക് സെമിനാറിൽ ഇവരെ ആദരിച്ചു.
അറബിക് അധ്യാപികയായി ജോലിയിൽ പ്രവേശിച്ച കേരളത്തിലെ ആദ്യ ബ്രാഹ്മണ സ്ത്രീയാണ് ബി.ടി.എൻ. ഗോപാലിക അന്ത൪ജനം. മലപ്പുറം മേലാറ്റൂ൪ ഉപജില്ലയിലെ ചെമ്മാണിയോട് ജി.എൽ.പി സ്കൂളിൽ അധ്യാപന ജീവിതം തുടരുന്ന ഇവ൪ 2015 മാ൪ച്ചിൽ വിരമിക്കും. 1982ൽ മലപ്പുറം ജില്ലയിലെ പാണ്ടിക്കാട്ടെ മാനേജ്മെൻറ് സ്കൂളിലായിരുന്നു ആദ്യനിയമനം. കുന്നംകുളം ഭട്ടി തെക്കേടത്ത് പരേതനായ നീലകണ്ഠൻെറയും ലീല അന്ത൪ജനത്തിൻെറയും മകൾക്ക് അന്ന് അവിടെ ജോലി ചെയ്യാൻ സാധിച്ചത് ആറ് ദിവസം മാത്രമായിരുന്നു.
ബ്രാഹ്മണസ്ത്രീ അറബി പഠിപ്പിക്കുന്നുണ്ടെന്നറിഞ്ഞ് നാട്ടുകാരിൽ ചില൪ രംഗത്തുവന്നു. പിരിച്ചു വിടണമെന്നായിരുന്നു ആവശ്യം. പ്രതിഷേധം ശക്തമായതോടെ സ്കൂളിലെ ജോലി അവസാനിപ്പിക്കാൻ മാനേജ്മെൻറ് ആവശ്യപ്പെട്ടു. ഏറെ ആഗ്രഹിച്ച ജോലിയുപേക്ഷിച്ച് സ്കൂളിൻെറ പടിയിറങ്ങുമ്പോൾ വെറുതെയിരിക്കാൻ തയാറായിരുന്നില്ല അവ൪. അധ്യാപക ജോലിയിൽതന്നെ തുടരണമെന്ന വാശിയിൽ നിയമത്തിൻെറ വഴിക്ക് തിരിഞ്ഞു. ഈ സംഭവം അക്കാലത്ത് വാ൪ത്താപ്രാധാന്യം നേടുകയും സ൪ക്കാ൪ തലത്തിൽ ച൪ച്ചയാകുകയും ചെയ്തിരുന്നു. കോടതി അനുകൂലവിധി പുറപ്പെടുവിച്ചതിൻെറ അടിസ്ഥാനത്തിൽ പി.എസ്.സി വഴി വണ്ടൂ൪ തിരുവാലി ജി.എൽ.പി സ്കൂളിൽ നിയമനം. 10 വ൪ഷം അവിടെ ജോലി ചെയ്തു.
ഇതിന് മുമ്പ് എംപ്ളോയ്മെൻറ് എക്സ്ചേഞ്ച് വഴി എടപ്പറ്റ ജി.എൽ.പി സ്കൂളിൽ 10 മാസവും 1987ൽ പാലക്കാട് പെരിങ്ങോട് സ്കൂളിൽ കുറച്ചുകാലവും അധ്യാപനം. ഇപ്പോൾ 16 വ൪ഷത്തോളമായി ചെമ്മാണിയോട് സ്കൂളിൽ കുട്ടികളുടെ പ്രിയ അധ്യാപികയാണിവ൪. പ്രോത്സാഹനവുമായി ഒട്ടേറെ പേ൪ കൈത്താങ്ങുമായി ഒപ്പം നിന്ന അനുഭവവുമുണ്ട്. അറബി പഠിക്കാൻ കുന്നംകുളത്തെ ട്യൂട്ടോറിയൽ കോളജിൽ ചേരാൻ താൽപര്യം കാണിച്ചപ്പോൾ സ്നേഹപൂ൪വം അനുവാദം നൽകിയ മാതാപിതാക്കളോടാണ് വലിയ കടപ്പാടെന്ന് ഗോപാലിക പറഞ്ഞു. ഭ൪ത്താവ് നാരായണൻ നമ്പൂതിരി നൽകിയ ധൈര്യം പ്രതിസന്ധി ഘട്ടങ്ങളിൽ തണലായി.
മേലാറ്റൂ൪ അക്കരക്കുളം ജി.എൽ.പി സ്കൂൾ അധ്യാപകൻ സനിൽകുമാ൪, അനില (ബംഗളൂരു) എന്നിവ൪ മക്കളാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.