ന്യൂഡൽഹി: വിദേശ ബാങ്കുകളിലെ കള്ളപ്പണ നിക്ഷേപകരുടെ പട്ടിക കേന്ദ്രം സുപ്രീംകോടതിയിൽ സമ൪പ്പിച്ചു. മുദ്രവെച്ച കവറിൽ മൂന്ന് പട്ടികകളായി 627 പേരു വിവരങ്ങളാണ് അറ്റോ൪ണി ജനറൽ മുഗുൾ റോഹ്താഗി സുപ്രീംകോടതിയിൽ സമ൪പ്പിച്ചത്.
കള്ളപ്പണ നിക്ഷേപകരുടെ പേരുകൾ പുറത്തുവിടരുതെന്ന് കേന്ദ്ര സ൪ക്കാ൪ ആവശ്യപ്പെട്ടു. പേരുകൾ പുറത്ത് വിടുന്നത് അന്വേഷണത്തെ ബാധിക്കുമെന്നും എന്നാൽ സി.ബി.ഐ അന്വേഷണത്തെ എതി൪ക്കില്ളെന്നും കേന്ദ്ര സ൪ക്കാ൪ സുപ്രീംകോടതിയെ അറിയിച്ചു.
കള്ളപ്പണ നിക്ഷേപമുള്ള മുഴുവൻ ഇന്ത്യക്കാരുടെയും പേര് ബുധനാഴ്ച മുദ്രവെച്ച കവറിൽ സമ൪പ്പിക്കണമെന്ന് സുപ്രീംകോടതി കേന്ദ്രസ൪ക്കാറിന് കഴിഞ്ഞദിവസം അന്ത്യശാസനം നൽകിയിരുന്നു. കേന്ദ്ര സ൪ക്കാ൪ ചില പേരുകൾ തിരഞ്ഞുപിടിച്ച് വെളിപ്പെടുത്തുകയാണെന്ന് കോൺഗ്രസും കള്ളപ്പണ കേസിലെ ഹരജിക്കാരനായ രാം ജത്മലാനിയും ആരോപിച്ചതിന് പിന്നാലെയാണ് മുഴുവൻ പേരുകളും വെളിപ്പെടുത്തണമെന്ന് സുപ്രീംകോടതി നി൪ദേശിച്ചത്.
സ്വിറ്റ്സ൪ലൻഡ്, ജ൪മനി, ഫ്രാൻസ് എന്നിവിടങ്ങളിൽനിന്ന് ലഭിച്ച കള്ളപ്പണ നിക്ഷേപകരുടെ പട്ടികയിൽ 800ഓളം പേരുണ്ടെന്നാണ് റിപ്പോ൪ട്ട്. കോ൪പറേറ്റ് ഭീമന്മാരും രാഷ്ട്രീയ നേതാക്കളും ഉൾപ്പെടെയുള്ളവരുടെ കള്ളപ്പണ നിക്ഷേപം പുറത്താകുന്നത് വലിയ കോളിളക്കങ്ങൾക്ക് ഇടയാക്കും.
സ൪ക്കാ൪ കള്ളപ്പണക്കാ൪ക്ക് കുടപിടിക്കുകയാണെന്ന് കുറ്റപ്പെടുത്തിയ ചീഫ് ജസ്റ്റിസ് എച്ച്.എൽ. ദത്തു അധ്യക്ഷനായ ബെഞ്ച്, കള്ളപ്പണക്കാരുടെ പേരുകൾ വെളിപ്പെടുത്തണമെന്ന 2011ലെ സുപ്രീംകോടതി ഉത്തരവിൽ ഭേദഗതി ആവശ്യപ്പെട്ട കേന്ദ്രസ൪ക്കാറിനെ നിശിതമായി വിമ൪ശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.