മലപ്പുറം: നെടുമ്പാശ്ശേരി മനുഷ്യക്കടത്ത് കേസുമായി ബന്ധപ്പെട്ട് പൊലീസ് ഉദ്യോഗസ്ഥൻെറ വീട്ടിലടക്കം മലപ്പുറത്ത് രണ്ടിടങ്ങളിൽ സി.ബി.ഐ റെയ്ഡ്. മലപ്പുറം എം.എസ്.പിയിലെ ആംഡ് പൊലീസ് ഇൻസ്പെക്ടറുടെ വീട്ടിലും കൊണ്ടോട്ടിയിലെ ട്രാവൽ ഏജൻറിൻെറ വീട്ടിലുമാണ് വ്യാഴാഴ്ച രാവിലെ ഏഴ് മുതൽ സി.ബി.ഐ സംഘം പരിശോധന നടത്തിയത്. എം.എസ്.പി ആംഡ് പൊലീസ് ഇൻസ്പെക്ട൪ ഷാജൻ ജോ൪ജിൻെറ വീട്ടിലും ട്രാവൽ ഏജൻസി നടത്തുന്ന കൊണ്ടോട്ടി ചിറയിൽ അയനിക്കാട് എം. അബൂബക്കറിൻെറ വീട്ടിലുമായിരുന്നു പരിശോധന. ഷാജൻ ജോ൪ജ് നേരത്തെ കോഴിക്കോട് എമിഗ്രേഷൻ വിഭാഗത്തിൽ ജോലി ചെയ്തിരുന്നു. ഇരു സ്ഥലത്തുനിന്നുമായി രേഖകളും മറ്റും സി.ബി.ഐ സംഘം കണ്ടെടുത്തിട്ടുണ്ട്. സംസ്ഥാനത്ത് 25 കേന്ദ്രങ്ങളിൽ ഒരേസമയം റെയ്ഡ് നടന്നിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.