കൊച്ചി: മുതലാളിമാര്ക്കും കുത്തകകള്ക്കും അനുകൂലമായി തൊഴില് നിയമങ്ങള് ഭേദഗതി ചെയ്യാനുള്ള കേന്ദ്രസര്ക്കാറിന്െറ നീക്കം ഉപേക്ഷിക്കണമെന്ന് ടി.യു.സി.ഐ ആവശ്യപ്പെട്ടു. പുതിയ സര്ക്കാര് അധികാരമേറ്റെടുത്തശേഷം കേന്ദ്ര മന്ത്രിമാരെ നേരില്ക്കണ്ട ട്രേഡ് യൂനിയന് കേന്ദ്രനേതൃത്വങ്ങള് ഈ ആവശ്യം മുന്നോട്ടുവെച്ചിരുന്നു. ഇതിനെ നിഷ്കരുണം തള്ളിക്കളയുന്ന നിലപാടാണ് കേന്ദ്രസര്ക്കാര് സ്വീകരിച്ചത്. ഇതിനെതിരെ പ്രക്ഷോഭത്തിനിറങ്ങാന് തൊഴിലാളി സംഘടനകളോട് യോഗം അഭ്യര്ഥിച്ചു. യോഗത്തില് സംസ്ഥാന പ്രസിഡന്റ് എം.കെ. തങ്കപ്പന് അധ്യക്ഷത വഹിച്ചു. സംസ്ഥാന സെക്രട്ടറി ചാള്സ് ജോര്ജ് റിപ്പോര്ട്ട് അവതരിപ്പിച്ചു. പ്രഫ. സി.കെ. താഴത്ത്, എം.കെ. ദിലീപ്, കെ.വി. ഉദയഭാനു എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.