തിരുവനന്തപുരം: പുതിയ മൂന്ന് ഭാരവാഹികളെ ഉൾപ്പെടുത്തി കെ.പി.സി.സി പുനഃസംഘടിപ്പിച്ചു. മുൻ എം.പി എൻ. പീതാംബരക്കുറുപ്പിനെ വൈസ് പ്രസിഡൻറായും പി.സി വിഷ്ണുനാഥ് എം.എൽ.എ, യൂത്ത് കോൺഗ്രസ് അഖിലേന്ത്യ ഭാരവാഹി എം. ലിജു എന്നിവരെ ജനറൽ സെക്രട്ടറിമാരായുമാണ് കോൺഗ്രസ് അധ്യക്ഷ സോണിയ ഗാന്ധി നിയമിച്ചത്.
കൊല്ലം ലോക്സഭാ സീറ്റ് ആ൪.എസ്.പിക്ക് നൽകിയ പശ്ചാത്തലത്തിൽ സിറ്റിങ് എം.പിയായിരുന്ന പിതാംബരക്കുറിപ്പിന് ഇത്തവണ സീറ്റ് ലഭിച്ചിരുന്നില്ല. ഈ സാഹചര്യത്തിൽ പീതാംബരക്കുറുപ്പിന് പാ൪ട്ടിയിൽ ഉന്നതസ്ഥാനം നൽകാമെന്ന് കെ.പി.സി.സി നേതൃത്വം ഉറപ്പുനൽകിയിരുന്നു. നേരത്തെ കെ.പി.സി.സി വൈസ് പ്രസിഡൻറ് സ്ഥാനം പീതാംബരക്കുറുപ്പ് വഹിച്ചിണ്ട്.
ലോക്സഭാ തെരഞ്ഞെടുപ്പിൽ യൂത്ത് കോൺഗ്രസ് നേതാവായ എം. ലിജുവിന് സീറ്റ് നൽകണമെന്ന് കോൺഗ്രസ് ഉപാധ്യക്ഷൻ രാഹുൽ ഗാന്ധി നി൪ദേശിച്ചിരുന്നു. എന്നാൽ, സിറ്റിങ് എംപിയെ മാറ്റി സീറ്റ് വേണ്ടെന്ന നിലപാടാണ് ലിജു സ്വീകരിച്ചത്.
എൻ. പീതാംബരുക്കുറുപ്പും എം. ലിജുവും ഐ ഗ്രൂപ്പിനെയും പി.സി വിഷ്ണുനാഥ് എ ഗ്രൂപ്പിനെയുമാണ് പ്രതിനിധീകരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.