കോട്ടയം: കേരളത്തിൽ ബി.എസ്.പിക്ക് ആദ്യ ഗ്രാമപഞ്ചായത്ത് പ്രസിഡൻറ്. കോട്ടയം ജില്ലയിലെ കോരുത്തോട് ഗ്രാമപഞ്ചായത്ത് പ്രസിഡൻറ് ആയി ബിന്ദു ബിജുവിനെയാണ് തെരഞ്ഞെടുത്തത്. യു.ഡി.എഫ് പിന്തുണയോടെയാണ് ബിന്ദു പ്രസിഡൻറ് ആയത്. സി.പി.എം സ്ഥാനാ൪ഥി പി.വി. സീതമ്മയെയാണ് തെരഞ്ഞെടുപ്പിൽ പരാജയപ്പെടുത്തിയത്. പ്രസിഡൻറ് തെരഞ്ഞെടുപ്പിൽ ബിന്ദുവിന് എട്ട് വോട്ടും സീതമ്മക്ക് നാല് വോട്ടും ലഭിച്ചു.
പ്രസിഡൻറ് സ്ഥാനം പട്ടികജാതി വനിതക്ക് സംവരണം ചെയ്ത പഞ്ചായത്താണിത്. ഭരണസമിതിയിൽ യു.ഡി.എഫിന് ഭൂരിപക്ഷമുണ്ടെങ്കിലും പ്രസിഡൻറ് സ്ഥാനത്തേക്ക് മത്സരിപ്പിക്കാൻ പട്ടികജാതി വനിതയില്ലായിരുന്നു. ഇതോടെ ബി.എസ്.പി അംഗത്തെ യു.ഡി.എഫ് പിന്തുണക്കുകയായിരുന്നു.
കോരുത്തോട് പഞ്ചായത്ത് പത്താം വാ൪ഡിൽ നിന്ന് ബി.എസ്.പിയുടെ ആന ചിഹ്നത്തിലാണ് ബിന്ദു മത്സരിച്ച് വിജയിച്ചത്. പുഞ്ചവയൽ പൂതക്കുഴിപറമ്പിൽ കുടുംബാംഗമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.