തിരുവനന്തപുരം: ഉമ്മൻ ചാണ്ടിയെയും അദ്ദേഹത്തിൻെറ ഓഫിസിനെയും ജുഡീഷ്യൽ അന്വേഷണ പരിധിയിൽനിന്ന് ഒഴിവാക്കാനുള്ള നീക്കത്തെ ഒരു കാരണവശാലും അംഗീകരിക്കാനാവില്ലെന്ന് എൽ.ഡി.എഫ് കൺവീന൪ വൈക്കം വിശ്വൻ പ്രസ്താവിച്ചു. മുഖ്യമന്ത്രി രാജിവെക്കും വരെ പ്രക്ഷോഭം തുടരും.
ജുഡീഷ്യൽ അന്വേഷണം തന്നെ പ്രഖ്യാപിച്ചതിൻെറ അടിസ്ഥാനത്തിലാണ് ഉപരോധ സമരം പിൻവലിച്ചത്. എന്നാൽ ഇപ്പോൾ മുഖ്യമന്ത്രി പറയുന്നത് തൻെറ ഓഫിസിനെ അന്വേഷണത്തിൽനിന്ന് ഒഴിവാക്കുമെന്നാണ്.
കരിങ്കൊടി കാണിക്കലും പൊതുപരിപാടികൾ ബഹിഷ്കരിക്കലും രാജിവെക്കുംവരെ തുടരും. കൂടുതൽ ജനങ്ങളെ അണിനിരത്തിയുള്ള ശക്തമായ പ്രക്ഷോഭവും സംഘടിപ്പിക്കുമെന്നും വിശ്വൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.