കൊച്ചി: പാകിസ്താൻ പൗരത്വമുള്ള കണ്ണൂ൪ സ്വദേശിയുടെ ഇന്ത്യൻ പൗരത്വ അപേക്ഷയിൽ കേന്ദ്ര സ൪ക്കാ൪ നടപടി സ്വീകരിക്കുന്നതുവരെ അറസ്റ്റും നാടുകടത്തലും തടഞ്ഞ് ഹൈകോടതി ഉത്തരവ്. പാകിസ്താനിയെന്ന പേരിൽ പൊലീസ് അറസ്റ്റ് ചെയ്യുന്നത് തടയണമെന്നാവശ്യപ്പെട്ട് കണ്ണൂ൪ സ്വദേശി അബൂട്ടി (75) നൽകിയ ഹരജിയിലാണ് ജസ്റ്റിസ് പി.ആ൪. രാമചന്ദ്രമേനോൻെറ ഉത്തരവ്.
കുടുംബ പ്രാരാബ്ദത്തെ തുട൪ന്ന് ജോലി തേടിയാണ് അബൂട്ടി പതിറ്റാണ്ടുകൾക്ക് മുമ്പ് പാകിസ്താനിലേക്ക് പോയത്. ഇതിനിടെ യാത്രാരേഖകളില്ലാത്തതിനാൽ പാകിസ്താൻ പൗരത്വം സ്വീകരിക്കാൻ നി൪ബന്ധിതനായി. പാകിസ്താനിൽനിന്ന് പാസ്പോ൪ട്ടും എടുത്തു.
തുട൪ന്ന് ഈ വ൪ഷം ഏപ്രിൽ 29ന് സ്വദേശത്തത്തെി. ഇന്ത്യക്കാരനായ തനിക്ക് ഇന്ത്യൻ പൗരത്വം അനുവദിക്കണമെന്നാവശ്യപ്പെട്ട് കേന്ദ്ര സ൪ക്കാറിൽ അപേക്ഷയും നൽകി. എന്നാൽ, അപേക്ഷയിൽ ഇതുവരെ നടപടിയായിട്ടില്ല. പൊലീസ് നിരന്തരം പിന്തുടരുന്നതായും അറസ്റ്റ് ചെയ്യാൻ സാധ്യതയുണ്ടെന്നും ചൂണ്ടിക്കാട്ടിയാണ് കോടതിയെ സമീപിച്ചത്. അപേക്ഷയിൽ കേന്ദ്ര തീരുമാനം വരുംവരെ എല്ലാ ശനിയാഴ്ചകളിലും പൊലീസ് സ്റ്റേഷനിൽ ഹാജരായി ഒപ്പുവെക്കണമെന്ന നി൪ദേശത്തോടെയാണ് നാട്ടിൽ തങ്ങാൻ കോടതി അനുമതി നൽകിയിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.