കയ്പമംഗലം: പെരിഞ്ഞനത്ത് ചായക്കടയിൽ കയറി സി.ബി.ഐ ഉദ്യോഗസ്ഥനാണെന്ന് പറഞ്ഞ് തട്ടിപ്പിന് ശ്രമിച്ച രണ്ടുപേരെ മതിലകം പോലീസ് അറസ്റ്റ് ചെയ്തു. കൊടകര സ്വദേശി ചേറാട്ട് വീട്ടിൽ രഞ്ജിത്ത് ബാബു ( 49), പാലക്കാട് ആലത്തൂ൪ സ്വദേശി മാണിയൻകോട് കൃഷ്ണകുമാ൪ ( 28) എന്നിവരെയാണ് മതിലകം എസ്.ഐ .ഡി മിഥുനും സംഘവും അറസ്റ്റ് ചെയ്തത്.
പെരിഞ്ഞനം പടിഞ്ഞാറ് ഭാഗത്തുള്ള മോഹനൻ എന്നയാളുടെ ചായക്കടയിലായിരുന്നു സംഭവം. കടക്കുമുന്നിൽ വിൽക്കാനിട്ട ലോട്ടറി ടിക്കറ്റുകൾ എടുത്ത ശേഷം തങ്ങൾ സി.ബി .ഐ ഉദ്യോഗസ്ഥരാണെന്നും പണം തന്നില്ലെങ്കിൽ കേസിൽ കുടുക്കുമെന്നും ഭീഷണിപ്പെടുത്തി. സംശയം തോന്നിയ കടക്കാരൻ ഉദ്യാഗസ്ഥരുടെ തിരിച്ചറിയൽ കാ൪ഡും മറ്റും ചോദിച്ചതോടെയാണ് തട്ടിപ്പ് പുറത്തായത് . ഉടൻ പൊലീസിനെ വിളിച്ചുവരുത്തി ഇവരെ കൈമാറുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.